Merkuri në prapavijë: Në cilat data do të ndodh fenomeni këtë vit?

Merkuri në prapavijë është një iluzion optik në qiell ku planeti merkur duket se lëviz mbrapsht.

Planetët e tjerë shkojnë prapavijë në një moment të vitit, por kjo lëvizje është e famshme për shkaktimin e kaosit.

Merkuri në prapavijë normalisht ndodh tre ose katër herë në vit, dhe për fat të mirë ne kemi vetëm tre cikle në 2021. Adhuruesit e astrologjisë do t’ju tregojnë gjithçka se sa i tmerrshëm është merkuri në prapavijë, por ju mund ta kaloni atë me lehtësi nëse ndryshoni mënyrën e sjelljes.

Kjo është arsyeja pse është jashtëzakonisht e dobishme të dish kur merkuri në prapavijë po vjen në 2021 dhe në çfarë shenje është.

Pse ndodh merkuri në prapavijë?

Në realitet, merkuri në të vërtetë nuk po lëviz mbrapsht… thjesht duket.

Astrologia Francesca Oddie shpjegoi: “Planetët që rrotullohen rreth Diellit të gjithë lëvizin në të njëjtin drejtim, por për shkak të formës së orbitave të tyre dhe sepse shpejtësia me të cilën lëvizim rreth diellit ndryshon ndonjëherë duket se një planet po lëviz mbrapsht në qiell. Është si kur dy trena po udhëtojnë pranë njëri-tjetrit dhe ai që ecën më ngadalë duket se po shkon prapa”.

Çfarë do të thotë merkuri në prapavijë?

Përvoja juaj e merkurit në prapavijë do të ndryshojë në varësi të shenjës suaj të yllit dhe tabelës natale, si dhe asaj shenje në të cilën lëviz merkuri.

Në përgjithësi, merkuri në prapavijë është një kohë ku shumë dramë, keq komunikim, fatkeqësi dhe defekte në teknologji priren të ndodhin. Kjo sepse merkuri – i cili është emëruar pas hyjnisë romake si një lajmëtar për Perënditë – është planeti i komunikimit, udhëtimit, teknologjisë dhe shkëmbimit të informacionit.

Merkuri ka efekt në mënyrën se si ne komunikojmë, atë që po mendojmë dhe si i përpunojmë fjalët e të tjerëve. Planeti sundon Binjakët dhe Virgjëreshën, kështu që kur është drejtpërdrejt në këto shenja në veçanti gjërat do të ecin normalisht.

Kur është merkuri në prapavijë këtë vit? Në cilat shenja?

Cikli i parë i merkurit në prapavijë në 2021 është midis 30 janarit dhe 20 shkurt dhe është në Ujor.

E dyta fillon më 29 maj dhe përfundon më 22 qershor dhe është në Binjakët.

Lexo po ashtu Astrologia Laura Bilalli tregon pesë shenjat më me fat për vitin 2021 dhe interesimin e shqiptarëve për astrologji

E treta është midis 27 shtatorit dhe 18 tetorit, dhe është te Peshorja.

Po, të gjitha janë në shenja ajri. /Telegrafi/