Maqedoni: Për të tretin vit me radhë mbështeten mediumet e shtypura

Qeveria e Maqedonisë së Veriut informon se për të tretin vit me radhë e realizon programin për mbështetjen e mediave të shtypura të dizajnuar për mbrojtjen e pluralizmit në fushën e mediave.

Nga Qeveria thonë se qëllimi i programit është të realizohen aktivitetet për mbështetjen e mediave të shtypura me karakter të përgjithshëm dhe informativ, përcjell Telegrafi Maqedoni.

“Procedura për zgjedhjen e shfrytëzuesve të mjeteve sipas Programit e zbatoi Komisioni i formuar nga ana e Sekretariatit të Përgjithshëm në të cilin krahas përfaqësuesve dhe institucioneve kompetente merr pjesë edhe nga një përfaqësues i Asociacionit për Mbrojtjen e Mediave Nacionale të Shtypura në Maqedoninë e Veriut dhe një përfaqësues nga Shoqata e Gazetarëve”.

“Komisioni solli vendim në bazë të kërkesave të dorëzuara dhe dokumentacionit të kompletuar, sipas kritereve qartë të definuara. Vlera mbështetjes së miratuar është përcaktuar në bazë të faturave të dorëzuara për vitin kalendarik 2019, ndërsa është e definuar në bazë të Marrëveshjes së nënshkruar mes Sekretariatit të Përgjithshëm dhe shfrytëzuesve të zgjedhur në bazë të Procesverbalit për evaluim dhe Raportit për kërkesat e miratuara”, thonë nga Qeveria./Telegrafi/