Institucioni i Avokatit të Popullit (IAP) organizoi të martën një konferencë për media dhe publikoi të dhënat preliminare për punën e institucionit gjatë vitit 2020.
Avokati i Popullit, Naim Qelaj, tha se viti 2020 ishte një vit i rëndë dhe tragjik për ata që kanë humbur jetën në betejën me COVID-19 dhe shprehu dhembjen për familjet që kanë humbur më të dashurit e tyre.
“Qelaj theksoi se gjendja e të drejtave të njeriut në Republikën e Kosovës gjatë vitit 2020 është karakterizuar me dy sfida kryesore: ndryshimet në legjislativ e në qeveri dhe ndikimi i pandemisë. Ai theksoi se ndryshimet në qeveri dhe në legjislativ kanë krijuar zvarritje në hartimin dhe në aprovimin e ligjeve, ndërsa e vlerësoi si sukses aprovimin e Konventës së Stambollit, e cila është bërë pjesë e legjislacionit të vendit. Legjislativi kishte paraparë në planin e këtij viti shqyrtimin dhe miratimin e 129 projektligjeve, ndërsa ka miratuar vetëm 14 ligje”, thuhet në njoftimin për media.
Avokati i Popullit shtoi se ndryshimi i qeverisë ka ndikuar edhe në ndryshim të politikave që nuk kanë treguar konsistencë në trajtimin e sfidës së pandemisë. Masat fillestare që u ndërmorën ishin në mungesë të parimit të ligjshmërisë, joproporcionale dhe pa plan të balancimit të mbështetjes dhe dëmeve të shkaktuara nga kufizimi i plotë i lëvizjes dhe i paralizimit të aktiviteteve ekonomike. Ai tha se pakot mbështetëse për rimëkëmbje nuk ruajtën bilancin social, shpërfaqen problemin e informalitetit dhe të tolerancës pikërisht për shtresat më të varfra të popullsisë.
“Qelaj theksoi se ka hapur rast ex-officio (sipas detyrës zyrtare) për analizimin e Ligjit nr. 07/L-016 për Rimëkëmbjen Ekonomike – COVID -19, ku në ndërkohë IAP-ja ka pranuar edhe disa ankesa individuale në lidhje me këtë çështje. Gjatë vitit 2020, IAP-ja ka pranuar gjithsej 1 mijë e 349 ankesa nga qytetarët, ndërsa nga ky numër, 686 raste janë hapur për hetime. Po ashtu, 43 raste janë hapur sipas detyrës zyrtare (ex-officio).
Autoritetet përgjegjëse ndaj të cilave janë drejtuar ankesat e qytetarëve, janë: ministritë me 390 raste, gjykatat me 360 raste, komunat me 230 raste, prokuroritë shtetërore me 62 raste, si dhe Policia e Kosovës me 62 raste etj”, thuhet më tej në njoftim.
Nga këto ankesa të përgjithshme, gjinia sipas ankuesve është: burrat me 72.5 për qind dhe gratë me 27.5 për qind të rasteve të raportuara në IAP. Ndërsa, sipas përkatësisë etnike, ankesat që janë hapur për hetime, janë si në vijim: shqiptarë 594 raste, serbë 47 raste, boshnjakë 17 raste, turq 10 raste, ashkalinj 5 raste, romë 3 raste, egjiptianë 3 raste, goranë 2 raste dhe të tjerë 5 raste.
Në anën tjetër, IAP-ja për këtë vit ka mbyllur 973 raste, prej të cilave 460 raste janë zgjidhur pozitivisht, në pajtim me kërkesën e ankuesit. Ndërsa 156 raste janë konsideruar të papranueshme, sepse nuk janë gjetur shkelje apo keqadministrime, derisa 144 raste janë mbyllur me raport, 108 raste janë konsideruar të papranueshme, për shkak se rastet ishin në shfrytëzim të mjeteve juridike, kurse 48 raste ishin të papranueshme, për shkak të mosshfrytëzimit të mjeteve juridike, ndërkaq 41 raste janë mbyllur për shkak të mosinteresimit të ankuesit dhe 12 raste të tjera ishin të papranueshme për shkak se ishin jashtë juridiksionit etj.
IAP-ja ka nxjerrë 178 rekomandime për autoritetet përgjegjëse nga raportet e rasteve të hetuara, letra me rekomandime, amicus curie, opinione dhe kërkesa për masë të përkohshme.
Nga këto rekomandime, 34 prej tyre janë zbatuar nga ana e autoriteteve përgjegjëse, 12 rekomandime nuk janë zbatuar dhe 132 rekomandime janë në pritje të zbatimit. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ferizaj, një grua raporton se vajza e saj është marrë nga një person i panjohur – dyshohet se ka kryer marrëdhënie seksuale me të
Ambasada e SHBA-ve në RMV: Nga nesër do të dalin rezultatet e lotarisë për viza emigrimi
Anëtarësimi i Kosovës në KiE-së, Kosova dhe Zvicra mbajnë takimin konsultativ
“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe