Evi Reçi shpërblehet me çmimin e ‘Qytetit të Tiranës’ në Fest’ 59: Të këndosh në të ftohtë është sfidë

Mbrëmë (e mërkurë) është mbajtur nata finale e edicionit të 59-të të Festivalit të Këngës në RTSH.

Fituese nga kjo garë doli artistja e njohur Anxhela Peristeri, në vend të dytë Sardi Struga kurse vendin e tretë e fitoi Festina Mejzini.

Megjithatë, Evi Reçi ishte një tjetër konkurrente e cila mbrëmë u shpërblye me çmimin për ‘Qytetin e Tiranës’ nga Bashkia Tiranë.

View this post on Instagram

A post shared by EVI RECI (@evireci)

Ajo ka bërë një reagim pas këtij kompeticioni muzikor, duke shtuar se ka qenë një sfidë këndimi në të ftohtë e po ashtu shumë emocionues.

“Tjerr. Dy fjalë për të përmbyllur një eksperiencë artistike. Të ndash skenën me mamin është emocion dhe përgjegjësi. Të këndosh në të ftohtë është një sfidë. Por të krijosh me dashuri dhe përkushtim është një kënaqësi e jashtëzakonshme. Faleminderit Bashkia Tiranë për çmimin e qytetit të Tiranës”, ka shkruar ajo.

Lexo po ashtu Anxhela Peristeri fiton edicionin e 59-të të Festivalit të RTSH-së, përfaqëson Shqipërinë në Eurovision

Urimet nuk munguan nga fansat e miqtë që numëron në rrjete sociale, të cilët e përgëzuan për performancën e mahnitshme.

Evi Reçi ndërkohë konkurroi me këngën “Tjerr” me tekst të Florian Zykës dhe muzikë të Olsa Toqit. /Telegrafi/