Java e Modës Accra prezantoi kreacionet për sezonin Harmattan

Shumë kreacione origjinale u prezantuan në revytë e modës në kuadër të Javës së Modës Accra, të mbajtur kohë më parë.

Kjo platformë bashkon dhe përfaqëson disenjatorë afrikanë nga e gjithë bota. Java e Modës në kryeqytetin e Ganës ka pasur një edicion virtual këtë vit dhe duket se ka arritur të “plotësojë boshllëkun dhe të nxjerrë në pah krijimtarinë dhe kulturën e madhe në të gjithë kontinentin”.

Projekti Accra synon të krijojë një “infrastrukturë funksionale të modës” në mjedise të caktuara afrikane dhe të bëhet e rëndësishme ndërkombëtarisht në botën e modës.

Revyja e Etiketës Ganeze “Red Cotton Boutique” theksoi traditën, ngjyrat dhe modelet afrikane në krijime interesante për femrat e të gjitha brezave dhe numrat e gatshëm për tu veshur. Është interesante se si shfaqja është dedikuar për sezonin veror Harmattan (SH 20/21).

Harmattan është një sezon vjetor në Afrikën Perëndimore që zgjat nga fundi i nëntorit deri në mes të marsit. Gjatë kësaj periudhe, në këtë zonë fryjnë erëra të thata nga Shkretëtira e Saharës, ndërsa temperaturat janë dukshëm të ndryshueshme. /Telegrafi/