Tahiri: Deklaratat e Vuçiqit, vazhdimësi e provokimeve të tij

Zëvendëskryeministri Besnik Tahiri pas mbledhjes së Qeverisë së Kosovës ka folur rreth deklaratave të presidentit të Serbisë, Aleksander Vuçiq, i cili ka thënë se në prill të vitit 2022, Serbia nuk do ta njohë pavarësinë e Kosovës.

Tahiri tha se deklaratat e Vuçiqit janë thjesht vazhdimësi e provokimeve të tij që i bën në raport me Kosovën.

“Secili njeri që mendon se ai do të thotë se do të pranojë Kosovën mendoj se ka një dozë të naivitetit politik.  Ne nuk merremi me të, me merremi me qëndrimin politik e shtetëror të Kosovës. Ne kemi parimet tona që na udhëheqin në dialogun me Serbinë, i kemi synime tona strategjike në anëtarësimin në BE dhe NATO dhe ruajtjes së marrëdhënieve të mira me BE-në dhe NATO-N”, tha ai.

Lexo po ashtu Vuçiq: Deri më 2022 nuk do të ketë njohje të Kosovës – pastaj vendos populli

Sipas Tahirit, kjo deklaratë e Vuçiqit i çon dy porosi.

“E para, çon porosinë te faktori ndërkombëtare se Vuçiq nuk është serioz në dialog dhe e ka instrument për tu dukur si politikan i moderuar që e donë paqen dhe marrëveshjen me Kosovën”, tha ai, raporton Telegrafi.

[related-to url=”https://telegrafi.com/hoti-kunderpergjigjet-vuciqit-nese-nuk-te-kete-njohje-reciproke-atehere-nuk-te-kete-marreveshje/

Sipas zëvendëskryeministrit të Kosovës, deklarata e Vuçiqit çon porosi edhe brenda politikës së brendshme të Serbisë, se Vuçiq ka autoritet dhe gjithçka e lidhë me emrin e tij.

Tahiri më tej shtoi se deklaratat e Vuçiqit bëhen edhe me qëllim të nxiten deklarata të ashpra nga liderët e Kosovës, në mënyrë që të thotë se Kosova është kundër dialogut. /Telegrafi/