Kryeministri Edi Rama ishte sot në dispeçerin e Operatorit të sistemit të transmetimit, ku nga sot nisi operimi i pavarur i Kosovës, si zonë rregulluese brenda bllokut Rregullues Shqipëri – Kosovë.
Gjithashtu, nis nga puna edhe linja 400 kV e transmetimit mes dy vendeve.
Rama tha se kjo është një arritje historike, që kishte mbetur pezull që në vitin 2010, por u përfundua vetëm në 2016, ndërsa arsyeja pse nuk ishte vënë në punë ishte vetoja nga Serbia.
“Më në fund ja kemi dalë të arrijmë këtë ditë, që nëse kthehemi pas ka marrë shumë kohë. Në shkurt 2010, kur qeveria ka miratuar një hua për ndërtimin e linjës së transmetimit Shqipëri-Kosovë dhe sipas zotimit të kryeministrit paraardhës, linja që do përfundonte për 2 vite, që ishte citoj ‘një marrëveshje historike’, duke hequr këtë pjesë të fjalës me të cilën pajtohem, duhet të kujtoj se puna nuk filloi kurrë. Jo vetëm që asgjë nuk nisi por sistemi elektro-energjetik vazhdoi të degradohej deri në pikën që u bë barrë shtetit, që rrezikonte falimentin financiarisht të Shqipërisë”, tha ai.
Siç njofton TCH, ai tha se “U desh 2014 që qeveria jonë të niste zbatimin e këtij projekti madhor dhe e mbyllëm atë në 2 vjet. 2016. Por këtu jemi pas 4 vitesh kur projekti ka përfunduar, kam qenë me Isa Mustafën kur lajmëruam se përfundoi projekti. Linja nuk u vu në punë, se pse po e them sot, që mbase u shërben atyre që kundërshtojnë qasjen tonë, arsyeja ishte vetoja e Serbisë. Linja mbeti peng e një formaliteti, në kushtet e një mungesë të vullnetit politik. Pala serbe pranonte ta njihte vetëm nëse do mbetej përsëri e varur nga Serbia. Ky është Shengeni rajonal, projekte që kanë rëndësi të madhe, dhe që mbetën peng i fjalëve të mëdha dhe që i ka penguar shqiptarët të shohin përtej hundës së tyre”.
“Ne e hoqëm atë veto dhe morëm mbrapsht këtë që kemi sot, hapjen dhe vënin në funksion të këtij projekti. Fundi i kësaj historie përmes shtypjes së një butoni i jepi jetë një hapësirë energjetike e pavarur mbarë shqiptare. Vënia në operim e linjës, do të sjell një impakt pozitiv dhe do të rrisë kapacitetin e rrjetit interkonektiv të OST”.
Sipas tij, mjafton të shohësh pamjet e medaljes për të kuptuar kjo që sot është kthyer në realitet, integrimi i rrjetit dhe ndërveprimi 24/24 i OST me KOST.
“Ne sot jemi më të fuqishëm. Në Kosovë dihet se ka kosto të lartë pasi varet nga termocentralet, baza e prodhimit janë termot pra. Jemi në kushtet kur mund të racionalizjmë fuqinë tonë. Në Shqipëri për herë të parë vihemi në kushte kur te menaxhojmë tepricat apo mangësitë. Kjo është një kohë kur ne vijmë si shprehje e vullnetit sovrane e dy shteteve sovrane. Kjo është një shembull se xhakjadurët që vënë kujën patriotike për të penguar projektet të kuptojnë se çdo të thotë qasja jonë ndaj të ardhmes dhe Shengenit”
Sipas tij, nuk është dorëzim i pavarësisë por fuqizim i saj. “Ky është shëmbëlltyrë e vënies në shfrytëzim të kapaciteteve të sovranitet kur bëjnë politikë largpamësi. Që në të kundërt sjellin vetëm mbyllje e izolim”.
Promo
Reklamo këtuLufta Prigozhin - Putin
Më shumë“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe