Ministria e Ekonomisë dhe Ambientit ka kërkuar që të anulohet vendimit i fundit i Bordit të Përkohshëm të Postës për ndryshimin e koeficienteve të pagave. Sipas ministrisë, ndryshimi i koeficienteve të pagave në këtë kohë, kur Posta e Kosovës nuk qëndron në gjendje të mirë financiare, është i papranueshëm dhe nuk do të lejohet. Por, kryesuesi i Bordit të Postës, Leonard Shabanaj, bëhet fjalë për keqkuptime.
Në procesverbalin e mbledhjes së Bordit të Përkohshëm të Postës së Kosovës të mbajtur më 3 dhjetor thuhet se është marrë vendim për ndryshimin e koeficienteve të pagave.
Përmes një reagimi me shkrim, Ministria e Ekonomisë dhe Ambientit i ka bërë thirrje Bordit që këtë vendim ta anulojë.
“Ndryshimi i koeficienteve të pagave në këtë kohë, kur Posta e Kosovës nuk qëndron në gjendje të mirë financiare, është i papranueshëm dhe nuk do të lejohet. Për më tepër, Njësia për Politika dhe Monitorim të Ndërmarrjeve Publike ka sugjeruar më parë këtë ndërmarrje që të zvogëlojë pagat për 30% për pozitat e larta udhëheqëse”, thuhet në reagimin e ME-së.
Vendimi po kundërshtohet edhe nga Mexhide Demolli, drejtoreshë e organizatës joqeveritare “Fol”, përcjell Telegrafi.
“Fatkeqësisht ashtu siç është vepruar prej 20 vitesh po vazhdohet dhe tash me rritje të pagave në një kohë kur ky institucion është buzë falimentimit. Ka pasur raste kur edhe punëtorë të tjerë të kompanisë kanë protestuar pasi që kanë mbetur pa paga. Andaj një veprim i tillë është për keqardhje pasi edhe ky Bord ashtu si të tjerët nuk kanë shkuar në atë drejtim që ta ngrisim kompaninë në nivel më të lartë sa i përket menagjimit të saj por ka ndodhur e kundërta, duke filluar nga punësimet partiake”, deklaroi për RTV Dukagjinin, Mexhide Demolli.
Por, kryesuesi i Bordit të Postës, Leonard Shabanaj thotë se të gjitha lajmet për rritje të pagave në këtë kompani janë keqkuptime.
“Ne jemi në fazën e aprovimit të planit të përgjithshëm të biznesit dhe kemi paraparë zbritje të shpenzimeve në ndërmarrje që shkojnë në një milion euro. Gjithçka është një keqkuptim pasi nuk ka ngritje të pagave në postë”, deklaroi Leonard Shabanaj.
Posta e Kosovës vazhdimisht ka pasur probleme me vonesat e pagave për punëtorët, për çka edhe janë organizuar protesta./Telegrafi/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Kurrë s’e ke pas ma lehtë se me Telegrafi Jobs me gjetë punë!
Bëhu banor i kryeveprës së Prizrenit - Grand Residence
Qysh bohet kerri i vogël, kerr i ri!
Policia me apel për qytetarët: Kujdes nga mashtrimi përmes investimeve të dyshuara online
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City