Karaxhovski: Ahengjet dhe koncertet në kafenetë në Aerodrom dhe Qendër janë shkak për përhapjen e COVID-19

Kryetari i Komisionit për Sëmundje Infektive, Zharko Karaxhovski për “Samo Vistina” iu përgjigj kërkesave të opozitës maqedonase OBRM-PDUKM-së për dorëheqjen e tij, ku deklaroi se fusha profesionale duhet të lihet mënjanë, përcjell Telegrafi Maqedoni.

“Mjekët duhet të punojnë në mjekësi, politikanët në politikë. Ideologjia jonë është epidemiologjia. Kjo është gjithçka që thashë. “Çdo ekspert në vend është i mirëpritur të shprehë mendimet e tij eksperte, por të jetë ekspert dhe solid,” tha Karadzovski.

Sipas tij, është shumë e vështirë të thuash për epideminë se si do të shkojë dhe në çfarë mase.

“Virusi përhapet po aq mirë edhe në mot të nxehtë dhe të ftohtë, veçanërisht në dimër përmes ajrit të ndotur dhe klimave të lagështisë. Nëse dikush mendon se temperaturat 35 deri në 40 gradë do të shkatërronte virusin, atëherë ata janë shumë gabim. Njerëzit janë shpërndarë, relaksuar, janë ndaluar së besuari në disa masa dhe pas gjithë kësaj i shtojnë ahengjet, ditëlindjet, koncertet, tubimet pa distancë dhe pa maska” tha Karaxhovski.

Ai theksoi një aheng në Komunën e Aerodromit si përhapës të coronavirusit.

“Kishte një aheng në Aerodrom, kishte festa të panumërta në një kafene në Qendër, njëra pas tjetrës. Pastaj një koncert i madh i një ylli të madh kroat në amfiteatrin në Manastir. Dy ditë më vonë, një tjetër koncert nga një yll ballkanik. Koncerti i parë kishte 1.700 vetë, i dyti 800 vizitorë”, tha epidemiologu Karaxhovski./Telegrafi/