Afërsia gjeografike dhe gjuha e përbashkët janë dy avantazhe të mëdha që Shqipëria dhe Kosova duhet të shfrytëzojnë për të pasur një bashkëpunim më të mirë tregtar, por edhe ekonomik në tërësi.
Gjatë dy viteve të fundit, dy qeveritë kanë zhvilluar disa mbledhje të përbashkëta dhe kanë nënshkruar me dhjetëra marrëveshje. Si po ndodh zbatimi i këtyre marrëveshjeve? Si mund të zhvillohet më tej bashkëpunimi ekonomik mes dy shteteve? Mbi të gjitha, si po e përballon Kosova krizën e pandemisë, e cila fatkeqësisht ka goditur tashmë të gjithë globin? Përgjigje këtyre pyetjeve i dha Skënder Reçica, ministër i Punës së Kosovës, në një intervistë në A2.
Fillimisht, Reçica veçon marrëveshjen e fundit të nënshkruar mes dy qeverive, atë që do të unifikojë tregun e punës. Ai thekson se shumë shpejt, një qytetar nga Kosova mund të kërkojë punë lehtësisht në Shqipëri apo e kundërta.
“Po koordinohen aktivitetet dhe punët e përbashkëta në dobi të qytetarëve tanë. Në mbledhjen e fundit të dy qeverive, unë pata fatin që të nënshkruaja marrëveshjen për mobilitetin në punë. Kjo marrëveshje hap mundësinë e unifikimit të tregut të punës. Ky është një lajm i mirë për të gjithë punëkërkuesit, por edhe punëdhënësit. Fati i mirë është se këtë marrëveshje nuk e kemi firmosur për ta lënë në letër. Është në procedurë të fillimit të implementimit. Konform kësaj marrëveshje, ne jemi duke bërë të gjitha veprimet e nevojshme dhe unë uroj dhe besoj që kjo marrëveshje së shpejti do të jetësohet. Së shpejti, një qytetar i Shkodrës do të jetë i lirë të kërkojë punë në Prishtinë, apo një nga Prizreni mund të kërkojë punë në Korçë apo Gjirokastër, sikur në qytetin e tij të lindjes. Kjo marrëveshje është hapi i parë drejt heqjes së burokracive”, u shpreh ministri.
Më tej, Reçica foli për ndikimin e pandemisë në ekonomi. Ai theksoi se qëndrueshmëria e shifrave gjatë muajve të verës ndikoi që ekonomia të nisë ringritjen.
“Pandemia gjunjëzoi ekonomitë më të zhvilluara të botës. Në vendet si Kosova apo Shqipëria, me ekonomi jo shumë të zhvilluar, izolimi ka lënë shumë gjurmë në zhvillimin ekonomik dhe në humbjen e shumë vendeve të punës të qytetarëve të vendit tonë. Nuk ka qenë e lehtë kjo periudhë të menaxhohet, në një shtet ku mundësitë janë të vogla. Megjithatë, fati i madh deshi që në periudhën e verës kishim një qetësi nga koronavirusi, falë edhe menaxhimit më të mirë dhe u krijua një stabilitet më i qëndrueshëm. Kjo krijoi një mundësi për rifreskim të zhvillimit ekonomik. Pati një ringjallje për së dyti, falë edhe masave të ndërmarra”, tha Reçica.
Lufta Prigozhin - Putin
Më shumëNga Rubrika
1 Maji, Kurti thërret për solidaritet dhe organizim sindikal
Dita e punëtorëve, Tahiri: Sot nuk ka vend për festë – Qeveria mund të festoj dështimet
UBT ndan çmimin më të lartë institucional për Rektorin e Trakya Üniversitesi, Prof. Dr. Erhan Tabakoğlu dhe bën hapjen e Teknoparkut Ndërkombëtar
N’BAU krejt i gjen me zbritje këtë javë!
Fito udhëtim në çift me IP Petrol!
Relaksim në përjetësi, me “Holiday In 2” t’gjitha i ki
Respekti dhe vlerësimi i punëtorëve refletojnë në suksesin e Emona Center
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Rotary Club Prishtina Garden, klubi më i ri i Rotary në Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës