Sondazhi nga Pyper: 55% e qytetarëve të Kosovës preferojnë Bidenin president në SHBA, 9% Trumpin

Platforma më e avancuar teknologjike, Pyper, e specializuar për matjen e opinionit publik, në bashkëpunim me emisionin “Debat Plus” që transmetohet në RTV Dukagjini, ka organizuar anketimin e radhës.

Qytetarët përmes këtij anketimi janë pyetur për procesin e zgjedhjeve presidenciale në SHBA.

51% e qytetarëve që kanë marrë pjesë në anketim mendojnë se Biden do të fitojë zgjedhjet në SHBA, ndërsa vetëm 16% e tyre mendojnë se zgjedhjet i fiton Trump.

Bidenin do ta preferonin si president 55% e qytetarëve kosovarë të anketuar, ndërsa Trumpin vetëm 9%.

Lexo po ashtu Sondazhi nga Pyper: 79% e qytetarëve mendojnë se nuk ka stabilitet politik në Kosovë, 71% të gatshëm të dalin në zgjedhje këtë javë

Kosova do të përfitojë më shumë nëse Biden zgjidhet president në SHBA, mendojnë 47% e të anketuarve, ndërsa vetëm 7% e tyre mendojnë se me Trumpin president në SHBA përfiton Kosova.

Nëse Trump zgjidhet president, raportet SHBA-Kosovë do të mbesin të njëjta, mendojnë 42% e qytetarëve të anketuar, derisa 20% mendojnë se raportet do të jenë më të këqija.

64% e qytetarëve të anketuar mendojnë se me presidencën e Bidenit raportet Kosovë-SHBA do të jenë më të mira se tani, derisa vetëm 5% mendojnë se këto raporte do të jenë më të këqija.

Të anketuarit mendojnë se Biden do të kishte raporte më të mira me Kosovën se me Serbinë, derisa të kundërtën e mendojnë nëse Trump rizgjidhet president në SHBA.

Bëhuni pjesë e sondazheve tjera – Shkarkoni aplikacionin Pyper (iOS)

Bëhuni pjesë e sondazheve tjera – Shkarkoni aplikacionin Pyper (Android)