Në qytetin e Bloomfielld Hills të Michiganit u mbajt takimi i shqiptarëve republikanë në SHBA me ambasadorin Richard Grenell. Meqenëse axhenda e ambasadorit ishte e shumë e ngarkuar për hir të fushatës elektorale, organizatori kishte paraparë që në takim te marrin pjesë edhe përfaqesuesit e komunitetit kalldian dhe kandidatët republikanë, që garojnë për ulëse në Kongres dhe për nivele të tjera të pushtetit.
Ambasadori Grenell, në fillim, shprehu falënderimet për angazhimin dhe punën e madhe që kanë bërë përfaqësuesit e të dy komuniteteve dhe kërkoi që të vazhdohet me intensitet edhe më të shtuar për të bindur çdo votues që të dalë në votime dhe të votojë Presidentin Trump.
Në vazhdim, ai foli për rëndësinë që kanë këto zgjedhje për Amerikën dhe botën në përgjithësi, me theks të veçantë se sa është e rëndësishme për Shtetet e Bashkuara që të fitojë përsëri Presidenti Trump.
Në pjesën e dytë të fjalimit të tij, ai u përqendrua në qasjen që ka presidenti Trump dhe administrata e tij për bisedimet Kosovë-Serbi.
Sipas ambasadorit, Administrata Trump mendon se fillimisht duhet arritur marrëveshjet ekonomike, në mënyrë që të eliminohen të gjitha pengesat dhe të krijohet ambient i përshtatshëm për tërheqjen e investimeve, krijimin e vendeve të reja të punës dhe rritjen e mirëqenies së qytetarëve, në Kosovë dhe Serbi, e pastaj shumë më lehtë mund të bisedohet për problemet politike dhe mund te arrihet marrëveshja përfundimtare.
Ai premtoi se investimet do t’i bëjë Amerika si në Kosovë ashtu edhe në Serbi.
Në vazhdim fjalën e morën përfaqësuesit shqiptarë Ruzhdi Gjoka dhe Don Fred Kalaj.
Gjokaj, fillimisht, foli për angazhimin e madh te shqiptarëve republikanë për ta ndihmuar Presidentin Trump, në këto zgjedhje. Ai falënderoi Presidentin Trump dhe ambasadorin Grenell për angazhimin e tyre në bisedimet Kosovë-Serbi, e posaçërisht për ndihmën që dhanë në krijimin e Ushtrisë së Kosovës. Pastaj përkujtoi ndihmën e madhe që kanë dhënë presidentët republikanë për shtetet shqiptare e kombin tonë në përgjithesi. Ai kërkoi që edhe presidenti Trump të vazhdojë ndihmën për shtetet dhe kombin tonë. Gjokaj tha se kërkesat e komunitetit tonë për bisedimet Kosovë-Serbi, do t’ia dorëzojë me shkrim ambasadorit Grenell.
Në vazhdim, Don Fred Kalaj foli për arsyen që i nxit shqiptarët ta votojnë presidentin Trump dhe ceku rrezikun që mund t’i kanoset Amerikës dhe botës nëse fiton kandidati demokrat.
Përfaqësuesit shqiptarë premtuan një angazhim më të madh të komunitetit tonë, në mënyrë që presidenti Trump të dalë fitues në Michigan.
Të pranishmit i shtruan ambasadorit Grenell shumë pyetje, që kryesisht kishin të bënin me bisedimet Kosove-Serbi, të cilave ambasadori iu përgjigj me kënaqësi. /Illyria/
Promo
Reklamo këtuLufta Prigozhin - Putin
Më shumëAnëtarësimi i Kosovës në KiE, cilat janë vendet skeptike që duan fillimisht asociacionin?
Konkursi i dyshimtë i Policisë, IPK: Do t’i verifikojmë informatat
AGK-ja dënon intimidimin publik të deputetit Dimal Basha ndaj gazetares së RTK-së
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Drejtori i RTK-së: Gjuha e përdorur nga deputeti Dimal Basha, e papranueshme
Çfarë pyetje u bëhen qytetarëve në diasporë për regjistrim?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe