Viktimat e dhunës në familje në Kosovë, mund të qëndrojnë të strehuara në Qendrat për strehimin e viktimave për një periudhë gjashtëmujore, por pas asaj kohe, atyre duhet t’iu bëhet një zgjidhje për t’u larguar nga strehimorja.
Me një nga viktimat e dhunës në familje me të cilën ka biseduar Radio Evropa e Lirë, por e cila nuk ka dashur të identifikohet, tregon se pas gjashtë muajve qëndrimi në një strehimore, në pamundësi për një zgjidhje tjetër më të mirë, është dashur të kthehet te burri, i cili kishte ushtruar dhunë ndaj saj para se të shkonte në strehimore.
Si e papunë dhe e varur ekonomikisht nga bashkëshorti, ajo thotë është kthyer prapë në shtëpi me shpresën se dhuna fizike dhe psikike që kishte përjetuar, nuk do të përsëritet.
Në Kosovë, funksionojnë dhjetë strehimore për viktimat e dhunës në familje dhe dhunës mbi bazë gjinore, viktimave të trafikimit me qenie njerëzore dhe fëmijëve të keqtrajtuar, abuzuar, lënë pas dore dhe pa përkujdesje familjare.
Këto strehimore, për të cilat shteti ndan fonde, funksionojnë në kuadër të organizatave joqeveritare vendore dhe ofrojnë shërbime siç janë strehimi, rehabilitimi dhe ri-integrimi.
Bazuar në të dhënat e Qendrave për Punë Sociale dhe strehimoret në Kosovë, gjatë periudhës janar-shtator 2020, nga shërbimet e strehimit kanë përfituar 319 viktima të dhunës në familje, prej tyre 184 gra dhe 135 fëmijë.
Shuma financiare që Ministria e Punës dhe Mirëqenies Sociale (MPMS), ka ndarë për vitin 2020 për dhjetë strehimoret, është 495,000 euro, thuhet në një përgjigje të kësaj ministrie dërguar Radios Evropa e Lirë.
Mbështetja financiare që ofrohet për këto strehimore, sipas MPMS-së, ndryshon ndër vite dhe bazohet në nevojat që kanë për të zbatuar programet e tyre për mbrojtjen, strehimin, rehabilitimin dhe ri-integrimin e viktimave.
“Strehimoret në kuadër të tyre kanë programet strehuese dhe rehabilituese e që konsistojnë në ofrimin e shërbimeve si sigurim të ushqimi, mjeteve higjienike personale, sigurim të medikamenteve mjekësore dhe aktivitete që ndërlidhen me rehabilitim për viktimat e dhunës brenda strehimores”, thuhet në përgjigjen e Ministrisë së Punës dhe Mirëqenies Sociale.
Por, kjo mbështetje është e pamjaftueshme.
Mirlinda Sada, drejtoreshë e Qendrës ‘Medika’ në Gjakovë, qendër kjo e cila strehon edhe viktimat e dhunës në familje, kërkon nga institucionet e Kosovës që këto strehimore të ndihmohen më shumë financiarisht, pasi që numri i viktimave të dhunës në familje ka shënuar rritje, apo siç thotë ajo, gratë janë vetëdijesuar dhe po paraqesin dhunën kur ajo ushtrohet ndaj tyre.
“Nevoja për ndihmë financiare është shumë e madhe. Shteti ynë, institucionet tona duhet të bëjnë më shumë për këtë çështje”, thotë ajo.
Sada konfirmon se kthimi në shtëpi, ku e përjetuan dhunën, është njëra nga zgjidhjet që disa nga këto viktima bëjnë.
“Në rastet kur viktima e dhunës në familje qëndron më tepër sesa koha që është e paraparë gjashtëmujore, atëherë nëse nuk është gjetur një zgjidhje për viktimën e dhunës i shtyhet afati i qëndrimit në strehimore deri në gjetjen e një zgjidhjeje për atë viktimë. Nuk lihet në rrugë dhe nuk dëbohet nga strehimorja pa iu gjetur një zgjidhje dhe pa e stabilizuar gjendjen e saj”, thotë Sada.
Numri i viktimave të dhunës në familje, në rritje
Sipas Policisë së Kosovës, që nga fillimi i këtij viti e deri në muajin gusht janë paraqitur mbi 1,338 raste të dhunës ndaj grave, prej tyre katër raste kanë përfunduar me vdekje.
Numri i rasteve të dhunës në familje të raportuara në Policinë e Kosovës ka shënuar rritje ndër vite.
Në vitin 2017 numri i rasteve të dhunës në familje të raportuara ishte 1,269, kurse në vitin 2019 janë raportuar 1,915 raste.
Rrjeti i Grave: Gratë i falin bashkëshortët dhe kthehen te ta
Rrjeti i Grave të Kosovës që përfaqëson interesat e 151 organizatave anëtare, përfshirë këtu organizatat e grave të të gjitha grupeve etnike në Kosovë, në vazhdimësi janë duke i monitoruar rastet e dhunës në familje.
Në një përgjigje me shkrim nga Rrjeti i Grave të Kosovës thuhet se kanë vërejtur se ka raste kur gratë i falin bashkëshortët dhe kthehen te ta. Sipas këtij Rrjeti, kjo zakonisht bëhet për shkak të presionit familjar, presionit të zyrtarëve institucionalë, kushtet e rënda ekonomike, mungesa e pronës, papunësia, si dhe frika e humbjes së kujdestarisë së fëmijëve.
Gratë në Kosovë në numër të madh vazhdojnë të jenë të varura ekonomikisht dhe të pa punësuara.
Sipas të dhënave të Agjencisë së Statistikave të Kosovës punësimi te gratë është 14.1 për qind. Gratë janë të punësuara kryesisht në sektorët e arsimit, tregtisë dhe kujdesit shëndetësor. /rel/Telegrafi/
Promo
Reklamo këtuLufta Prigozhin - Putin
Më shumëNga Rubrika
Mickoski: Nuk do të habitem nëse kemi 61 deputetë
Dhuna dhe largimi nga banesa dyshohet se e detyruan gruan të mbytet me tre fëmijët e saj në Shkodër, çfarë dihet deri tani për rastin?
Sekretari i EFJ-së i reagon Dimal Bashës: Sjellja jote e papërgjegjshme po e dëmton reputacionin e Kosovës
Zhdukja e nënës me tre fëmijët në Shkodër, policia arreston bashkëshortin - dyshohet të jenë mbytur për shkak të dhunës
Axhanqiq: Unë takohem me Kurtin hapur, të tjerët fshihen
Ulqini gati për sezonin e ri, drejtues të komunës dhe biznesmen flasin për çmimet dhe investimet
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Spahoviq: Nuk mund të pritet qeveri proevropiane nga Vuçiqi, idetë e Millosheviqit janë ende të gjalla
Rrahet anketuesi i regjistrimit të popullsisë, policia arreston tre të dyshuarit në Pejë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak