Rita Ora merr vëmendje me veshjen transparente, teksa fotografohet në një studio muzikore

Ajo është e njohur për guximin e saj posaqërisht në modë e veshjet që zgjedh.

Dhe Rita Ora befasoi me dukjen në një fustan transparent të markës ‘Gucci’, derisa realizoi një fotosesion të martën nga studioja muzikore.

Krijuesja e hitit “Anywhere”, 29 vjeçare, ka shfaqur figurën e mahnitshme në fustanin e tejdukshëm në disa poza që ndau me fansat në Instagram.

Ajo e mbrojti modestinë e saj me një palë pantallona të shkurtra të zeza me bel të lartë nën fustanin e tejdukshëm.

Bukuroshja bionde njëherësh veshi një xhaketë sportive të gjerë dhe kompletoi pamjen me një përzgjedhje unike të gjerdanëve dhe unazave.

Rita po ashtu u shfaq me geta të zeza dhe çizme të veçanta për pamjen ekstravagante, ndërsa ishte ulur në një karrige në dhomën e muzikës.

Biondja mbante flokët në formë të valëzuar dhe zgjodhi një grim ngjyrë kafe për t’u kombinuar me tërë këtë ‘look’.

Shfaqja atraktive e Orës vjen pas thashethemeve për fejesë me Romain Gavras, pasi u fotografua me një unazë diamanti në gishtin e martesës.

Megjithëse, ky lajm nuk u mohua e as pohua nga artistja shqiptare. /Telegrafi/