Marrëveshja politike dhe ekonomike e nënshkruar nga Kosova dhe Serbia me ndërmjetësimin e Shteteve të Bashkuara të Amerikës, po mbështetet nga Oda Ekonomike e Kosovës.
Kryetari i Odës Ekonomike të Kosovës, Berat Rukiqi, ka thënë se është e rëndësishme që pikat që janë futur në marrëveshje kanë marrë zotimin e institucioneve me të fuqishme financiare amerikane e që Kosovën do ta shndërrojnë në vend të rëndësishëm sa i përket transportit ndërkombëtar.
“Nuk dua t’i komentoj në aspektin politik, pasi nuk është çështje e jona, por sa i përket pikave që janë futur aty është me rëndësi që ka një zotim të institucioneve më të fuqishme financiare amerikane për me përkrah disa projekte që janë të rëndësisë strategjike e që besoj që Kosovën e shndërrojnë në një vend të rëndësishëm sa i përket transportit ndërkombëtar dhe sa i përket transitit ndërkombëtar dhe këto projekte kryesisht janë projekte të rrugëve dhe hekurudhave dhe në këtë drejtim ne i përkrahim”, tha Rukiqi.
Po ashtu Rukiqi në konferencën për media, tha se mini-shengeni që është një nga pikat e marrëveshjes që nënshkroi kryeministri Hoti dhe presidenti i Serbisë, Vuçiq, nuk ka asnjë dëm ekonomik për Kosovën.
“Në aspektin politik nuk e komentoj, por në aspektin ekonomik Kosova nuk ka asnjë dëm nga mini-shengeni. Pse e them këtë sepse Kosova realisht është në mini-shengen për hapjen që ka ndaj vendeve. Na nuk i bëjmë problem askujt, ne kem problem me tjerët dhe mini-shengeni mundet me na eleminu problemet që kemi me vendet tjera. Emërtimi është problematik por në aspektin e përmbajtjes Kosova nuk e ka asnjë dëm ekonomik nga mini-shengeni”, tha Rukiqi.
Veç marrëveshjeve Rukiqi në konferencë për media ka folur edhe për kufizimin e lëvizjes së qytetarëve nga Qeveria e Kosovës si masë mbrojtëse ndaj COVID-19.
Për çka ai tha se do të kërkojnë nga qeveria zgjatjen e orarit të lëvizjes apo edhe heqjen e këtij orari, meqë tha se nga kjo po dëmtohen bizneset por edhe punëtorët që punojnë në ndërrime.
“Sa i përket masave ne kërkojmë që të rishikohet vendimi i qeverisë për orarin. Tash është bërë humor me këtë s’po del virusi pas orës 22:30. Pritet një rritje e qarkullimit dhe një nevojë e qarkullimit edhe më vonë se 22:30, shumë shërbime kryhen pas kësaj ore dhe ne kërkojmë që orari i lëvizjes së qytetarëve të jetë deri në 00:00 apo edhe të eliminohet ky kufizim dhe në të njëjtën kohë iu mundësohet bizneseve të punojnë lirshëm për shkak se shumë prej tyre po ballafaqohen me dënime. Shumë biznese punojnë me tre ndërrime dhe punëtorët ballafaqohen me dënime goxha ë mëdha dhe këtë jemi munduar me e sqaru me MTI por ka pastaj një mos koordinim institucional e që duhet me u rregullu që këto biznese mos me u dënu”, potencoi ai.
E Rukiqi tha se do të punojnë edhe me sektorin e gastronomisë për të bërë sa më shumë kujdes dhe rregull gjatë muajve të vjeshtës dhe dimrit.
“Do të punojmë me sektorin e gastronomisë dhe ta përgatisim që të ketë sa më shumë kujdes dhe rregull gjatë muajve të vjeshtës dhe dimrit, sepse ende nuk dihet se si do të jetë menaxhimi këta muaj, duke ditur se mund të ketë përkeqësim të gjendjes në menaxhimin e shëndetit publik dhe duke dit që ka rrezikshmëri nga puna dhe hapësira vende hapësirave të mbyllura. Jemi në diskutime me OBSH dhe shumë shpejt me IKSHPK që të fillojmë një program vetëdijesimi dhe program aktiv të implementimit të masave sidomos në sektorë që janë n rrezikshmëri për shkak se puna do të jetë më komplekse këtë vjeshtë dhe dimër”, tha mes tjerash Rukiqi.
Ndërsa, sot ministri i Shëndetësisë Armend Zemaj bashkë me komitetin për koordinimin dhe vlerësimin e situatës emergjente me COVID-19 mbajti takim, ku diskutuan për lirimin apo shtrëngimin e masave.
Pas takimit, ministri i Shëndetësisë, Armend Zemaj para gazetarëve tha se edhe përkundër kërkesave për lehtësimin e masave një gjë e tillë nuk do të ndodhë, meqë siç theksoi ai është në fazë delikate për çka duhet të ulet edhe më tej lakorja e rasteve të të infektuarve dhe rasteve e vdekjeve. /KP/Telegrafi/
Promo
Reklamo këtuLufta Prigozhin - Putin
Më shumëÇka është rregulla 30:30:30:10 kur bëhet fjalë për financat dhe si duhet ta shfrytëzoni?
Vazhdon super oferta për Peugeot 2008 nga Mercom Company
Studio Infermierinë (Ausbildung) në Gjermani dhe fito pagë mujore gjatë studimeve
Kurrë s’e ke pas ma lehtë se me Telegrafi Jobs me gjetë punë!
A jeni gati për mbrëmjen e Maturës?
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?