Koha e sandaleve nuk ka mbaruar. Në këto pesë mënyra mund t’i vishni dhe në vjeshtë

Vera është në ditët e saj të fundit, por askush prej nesh nuk është gati për ndërrimin e stinëve apo jo?

Ky është qëllimi që shumë prej emrave më në zë të modës, në këtë fundvere e fillimvjeshte, përpiqen të ruajnë pak nga të dyja stinët duke kombinuar: sandalet dhe çorapet.

Nuk është një përpjekje që ndeshet për herë të parë, madje as një trend vetëm i pasarelave.

Shumë prej vajzave të njohura kanë nisur tashmë ta përdorin çdo fillimvjeshte si për të treguar që koha e sandaleve nuk ka mbaruar.

Prezantuesja italiane Alessia Marcuzzi, në blogun e saj lapinella.com e solli si një mundësi shumë të mirë kombinimin e sandaleve të saj të preferuara edhe në vjeshtë. Me këtë qëllim miksoi këto dy elementë që u përkasin stinëve të ndryshme në një kombinim perfekt.

Nga të gjitha propozimet e stinës, ajo adhuron binomin çorape me sandale, një rikthim në stilin e viteve ’80 që vazhdon të frymëzojë pasarelat për trendet e stinëve të ndërmjetme.

Ndërsa të gjithë ne po përpiqemi të përshtatemi me një mënyrë të re të të jetuarit dhe të punuarit në distancë, çorapet dhe sandalet janë një kombinim i shkëlqyeshëm që do t’ju bëjë të ndiheni komode, por edhe të mos rrezikoheni nga infeksionet që në motin e freskët janë edhe më të shpeshta.

Më poshtë janë pesë tendencat kryesore të ’20-ës që do t’ju ndihmojnë të dukeni elegante, pa marrë parasysh rrethanat.

Kombinoni ngjyrat

Duke iu përshtatur ngjyrave të çorapeve dhe sandaleve, do të bëni që ky kombinim të mos bjerë shumë në sy. Çorape çorape të kuqe me sandale të sheshta të koordinuara me ngjyra, kombinim i stilit dhe dizajnit.

Luaj me teksturën

Salvatore Ferragamo gjithashtu prezantoi disa kombinime çorape lëkure dhe sandale. Çorapet prej lëkure mund të jenë praktike edhe për muajt e freskët që pritet të vijnë.

Tërheqja e të kundërtave

Një tjetër trend i këtij kombinimi është eksperimentimi me ngjyra të kundërta. Kombinimi klasik i ngjyrave është një tjetër element për t’u përfshirë në veshjet e vjeshtës.

Kombinimi me çorape të leshta

Rezulton se edhe kombinimi klasik i çorapeve të leshta me sandale është trend në këtë sezon. Në Paris Haute Couture Week, Acne bëri këtë zgjedhje, e cila krijoi menjëherë një pamje origjinale.

Mos harroni lulet

Anna Sui ka prezantuar trendin e çorapeve me lule dhe sandaleve të bardha. Ky kombinim sjell një stil modern, pa u dukur kaotike. Pjesa më e mirë? Mund të lejoni që imagjinata të drejtohet te zgjedhjet të çorapit që mund të kombinohen me sandale të bardha.

Më poshtë, po ju prezantojmë disa modele çorapesh dhe sandalesh që mund t’i kombinoni bashkë në vjeshtë: