Deputeti i AAK-së, Arbër Tolaj, në seancën e sotme të Kuvendit të Kosovës, ka ngritur shqetësimin e tij dhe të partisë të cilës i përket lidhur me sektorin e gastronomisë.
Tolaj ka thënë se masat e qeverisë së Kosovës po e dëmtojnë thellësisht këtë sektor.
“Bazuar në analizat e ekspertëve të ekonomisë, si pasojë e COVID 19, aktualisht mijëra biznese në vend janë në gjendje të rëndë, e ndër veprimtaritë biznesore, pothuajse më të atakuara nga efektet e Pandemisë padyshim mbetet Gastronomia. Prandaj si pasojë e gjendjes së krijuar, në Kosovë rrezikojmë falimentimin e shumë veprimtarive biznesore, për aq sa pritet edhe humbja e mijëra vendeve të punës”, ka thënë Tolaj.
Tolaj ka thënë se masa për kufizim të lëvizjes deri në orën 21:00 në disa qytete të rishqyrtohet. Sipas tij, ky kufizim, është i pakuptimtë.
“Duke ju referuar situatës së krijuar, konsideroj se vendimi për kufizimin e orarit të punës për sektorin e Gastronomisë, duhet të rishqyrtohet nga Qeveria e Kosovës, ngase reduktimi i orarit deri në ora 21:00, vërtet duket i pakuptimtë. Çfarë do të thotë 4-5 orë më pak lëvizje, kur respektohen masat tjera. Këto orë lëvizjeje nuk kanë ndonjë efekt të madh në uljen e numrit të rasteve. Përderisa 4-5 orë më pak punë, do të thonë shumë për profitin e secilit restorant dhe kafiteri në vend”, ka thënë Tolaj nga foltorja e Kuvendit.
Deputeti Tolaj ka thënë që orari i të drejtës për të punuar e lëvizur të zgjatet deri në orën 00:00, me kushtin që të respektohen masat e rekomanduara.
“Ndaj në këtë rast vlerësoj se do të ishte e udhës që orari i Gastronomisë të zgjatej të paktën deri në orën 00:00, kuptohet duke respektuar masat e distancës sociale, zhvillimin e aktivitetit në hapësira të hapura, mbajtjen e maskave nga punonjësit, dezinfektimet e rregullta të hapësirave, higjienën e punonjësve, e masa tjera të nevojshme që parandalojnë rritjen e numrit të rasteve me COVID”, ka thënë Tolaj në vazhdim.
Tolaj, në fund, ka thënë se pret nga Qeveria e Kosovës që të angazhohet për rimëkëmbjen ekonomike dhe ta trajtojë me prioritet sektorin privat, i cili ndodhet në një situatë të rëndë për shkak të pandemisë.
“Presim nga Qeveria e vendit që të angazhohet në rimëkëmbjen ekonomike, si dhe të trajtoj me seriozitet situatën aktuale, sepse sektori privat, veçmas Gastronomia është në prag të falimentimit, e Kosova nuk ka kapacitete ta përballojë këtë situatë”, ka theksuar në fund deputeti Tolaj. /Telegrafi/
Promo
Reklamo këtuLufta Prigozhin - Putin
Më shumë“Ushtria digjitale” e Kurtit në front kundër gazetarëve
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Vranët dhe me riga shiu
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe