Për momentin nuk ka rekomandim për masa kufizuese shtesë lidhur me hapjen e kufijve në Maqedoni

Ne jemi duke monitoruar nga afër gjendjen në lidhje me hapjen e kufijve dhe po diskutojmë intensivisht në mënyrë bilaterale me përfaqësuesit e vendeve përreth, por deri më tani nuk ka asnjë rekomandim që do të buronte nga analiza e rasteve tona që do të vendosnim disa masa kufizuese shtesë, deklaroi sot ministri i Shëndetësisë, Venko Filipçe.

“Numri i të infektuarve në qytetin e Shkupit është në rënie të vazhdueshme, por kemi raste të reja edhe në qytete të tjera, në afërsi të Tetovës dhe Gostivarit, në Shtip jo shumë, por ka ende, si në Resnjë dhe Manastir. Dhe kjo ende mban numrin e të infektuarve pak më të lartë. Faktori i transemtimit gjatë ditës së djeshme përfshirë fundjavën kur kemi bërë analizën e fundit është nën një dhe është shumë e rëndësishme që të mbijetojë. Absolutisht të gjitha rastet janë rezultat i mosrespektimit të masave. Të gjithë duhet ta kuptojnë se kjo është mënyra e vetme për të dalë nga kjo krizë”, tha Filipçe para gazetarëve pas vizitës në Institutin e sëmundjeve të mushkërive te fëmijët – Kozle.

Ai shtoi se situata është e ngjashme në rajon, për të cilën, thotë ai, “kemi informacione nga vendet fqinje se numri i rasteve po rritet”.

Ai theksoi se pati bisedime dypalëshe intensive me përfaqësuesit e vendeve përreth. Tani për tani, theksoi ai, nuk ka asnjë njoftim nga ana jonë për sa i përket rekomandimit, i cili do të rridhte nga analiza e rasteve tona që do të futnin disa masa kufizuese shtesë.

“Virusi është këtu, nuk do të largohet, vetëm duke respektuar masat parandaluese do të dalim nga kjo krizë”, tha Filipçe.