Profesori i njohur i baletit Tasim Dajçi, përkundër humbjes së madhe që ditë më parë e përjetoi në familje, ku si pasojë e një sëmundje humbi djalin e vetëm Besfortin, efektiv i dalluar policor i Tiranës, ka gjetur forcën për të udhëtuar drejt Pejës, e për të pranuar titullin ‘Nderi i Qytetit”.
Titulli është ndarë në kuadër të manifestimeve në shënim të 16 Qershorit – 21 vjetorit të Ditës së Çlirimit të Pejës.
Profesor Tasim Dajçi ka qenë i pranishëm në seancën solemne të Asamblesë Komunale të Pejës me ç’rast, ka pranuar titullin ‘Nderi i Qytetit’, nga kryetari i komunës së Pejës, Gazmend Muhaxheri.
Tasim Dajçi, titullin “Nderi i qytetit” ka dedikoi djalit të tij, suksesin për arritjen e këtij titulli e ka ndarë me personalitete të Pejës që e mbështetën në rrugëtimin e tij shumëvjeçarë.
“21 vjet në Kosovë, një ditë pa ikur në Tiranë. Një përpjekje, stërmundim, në atë rrugë të keqe të kombit që sot shkohet për një orë, unë kam pas ardhë për 12 orë…në shi, në borë, kur makinat dilnin para meje, vdisnin njerëz, unë s’ndalesha… Ju faleminderit kryetar… faleminderit shumë, pas një dhimbje të madhe që më ndodhi në shtëpi, më dhatë një adrenalinë, më gëzuat pa masë. Për këtë mirënjohje, unë do t’i bëjë mirënjohje shumë njerëzve të qytetit të Pejës, të qytetit të Haxhi Zekës, Ibrahim Rugovës, të qytetit të Sofrës Pejane, të qytetit të korit të Memli Kelmendit e shumë e shumë të tjerë që duhet ditë të tëra t’i numërojmë…Por… unë falënderojë pa masë, të pavdekshmin Riza Lluka, që erdhi dy vjet në Prizren, (Xhenin e kam dëshmitare), që mu lut të vij në Pejë… dhe kur erdha tek kryetari i parë i atëhershëm, para Gazmendit (Ali Berisha), më priti jashtëzakonisht mirë dhe më tha që ti i duhesh Pejës….Më vonë pastaj Gazmendi i tregua një burrë që ndihmoi fëmijët e Pejës në mënyrë të mrekullueshme…”, tha në fjalën e tij profesor Dajçi.
Ai që shumë herë u ndërpre në fjalën e tij nga duartrokitjet e asamblistëve, kujtoj fillimin e punës, nga Prizreni me hapjen e shkollës së baletit në Pejë, për çfarë, suksesin ja dedikoi të ndjerit Riza Lluka, ish-drejtorit të RTV ‘Dukagjini’ dhe veprimtar i çështjes kombëtare.
“Kam punuar në Prizren, kam punuar në Suharekë, në Gjakovë, në Ferizaj, .. por sot Peja, Peja qyteti im më nderojnë me këtë çmim, unë ju them faleminderit. Dikur Prizreni, sepse unë jam nga Prizreni, më thonin na tradhtove dhe je bërë pejon… unë sot ju them, e ndjej veten pejon… po i them Riza Llukes atje ku është … sepse Riza, më tha një fjalë që nuk do ta harrojë gjersa të vdes; (Shiko më tha Riza, unë mërzitem në qoftë se ti do më zhgënjesh, sepse kurrë njeri nuk më zhgënjeu në këtë jetë) dhe unë sot i them Riza Llukës, Riza besoi ta kam zbardhur faqen… Faleminderit”, tha Dajçi.
Propozimi për shpalljen e profesor Tasim Dajçit “Nderi i Qytetit të Pejës”, është votuar unanimisht nga të gjitha partitë politike të Asamblesë komunale të Pejës. /Njeshi/
Lufta Prigozhin - Putin
Më shumëRegjistrimi i diasporës: Çfarë përfiton Kosova?
Ekipet e reja për mbledhjen e mbeturinave, Rama njofton se janë sulmuar fizikisht punëtorët në lagjen Dardania
Meloni reagon ndaj emisionit investigativ të Rai3: Linçoi Ramën se mbrojti Italinë
"Daily Mail" shkruan për kosovarin me nënshtetësi angleze që po mbahet në një burg ferri në Serbi
Kryetari i Istogut deklaron mbi 3 mijë euro kursime në bankë, e bashkëshortja e tij vetëm 30
Italiania e dashuruar me Sarandën: Sa erdha thashë do të jetoj këtu, tani kam biznes
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur