Komuna e Vushtrrisë: Sot janë konfirmuar 30 raste të reja me coronavirus, situata është serioze

Në Komunën e Vushtrrisë sot janë konfirmuar 30 raste të reja me coronavirus.

Në njoftimin e bërë nga Komuna e Vushtrrisë thuhet se të gjitha rastet janë raste kontaki dhe se kjo situatë është serioze, transmeton Telegrafi.

“Sonte janë konfirmuar 30 raste të reja me Covid-19 në qytetin tonë. Ky numër kaq i madh i rasteve pozitive ndërlidhet edhe me faktin që sot kemi pranuar rezultatet e testimeve të 2 ditëve të fundit, të gjitha janë raste të kontaktit. Të dashur qytetarë, situata me Covid-19 në qytetin tonë dhe në krejt Kosovën është serioze. Shtabi Emergjent Komunal ka ndërmarrë të gjitha masat e rekomanduara nga IKSHPK. Secili anëtar i Shtabit dhe secili institucion po japin maksimumin e mundësive të tyre. Inspektoret sanitar do të mbyllin secilin lokal a biznes që nuk i përmbahet protokollit të IKSHPK për mbrojtje nga përhapja e Covid-19″, thuhet në njoftim.

Lexo po ashtu Shifra alarmante, sot 141 të infektuar me COVID-19 në Kosovë

Komuna e Vushtrrisë bën thirrje që qytetarët të jenë të kujdesshëm dhe të respektojnë masat mbrojtëse ndaj COVID-19.

Në vendin tonë ka shkuar në 1 mijë e 756 numri i personave të infektuar me coronavirus./Telegrafi/