Ish-sulmuesi i Reds, Collymore: Ky Liverpool nuk do të cilësohet si njëri nga klubet angleze më të mira të të gjitha kohërave

Skuadra e Liverpoolit 2019-20 nuk do të mbahet mend si një nga ekipet më të mira angleze në histori ka thënë ish-sulmuesi i Reds, Stan Collymore.

Reds janë vetëm edhe gjashtë pikë larg nga fitimi i titullit të parë në epokën e Ligës Premier, pasi kanë lënë vetëm katër pikë nga 29 ndeshjet e luajtura dhe tashmë kanë një shans të thyejnë rekordin e pikëve të mbledhura për një sezon.

Por, Collymore beson se cilësia e mirë e Jurgen Klopp i bën ata një ekip të shkëlqyeshëm, por ato nuk kanë luajtur kundër kundërshtarëve të një cilësie të krahasueshme.

Lexo po ashtu Superkompjuteri parashikon tabelën finale të Ligës Premier

“Liverpooli është një ekip i shkëlqyeshëm dhe ata me siguri do ta kenë titullin e fituar brenda dy ndeshjeve”, ka thënë fillimisht Collymore për Mirror.

“Por, ndërsa unë do të festoj suksesin e ish-klubit tim, unë gjithashtu do të vajtoj se sundimi i tyre nuk është vetëm sepse ekipi i Jurgen Klopp ka qenë aq i mirë, por edhe sepse shumë të tjerë rreth tyre kanë qenë të këqij”.

“Dominimi i Liverpoolit nuk është një shenjë se ne po shohim ekipet më të madha ndonjëherë, pasi një vetëm një numër i kufizuar i klubeve janë në gjendje të plotësojnë skuadrat sepse ata kanë buxhetet më të mëdha”.

“Liverpooli ka qenë i jashtëzakonshëm, por a do të cilësohet si njëri nga klubet më të shkëlqyera angleze? Jo, për arsyet e mësipërme nuk do të cilësohet”, përfundoi anglezi. /Telegrafi/