Përplasje mes Vjosa Osmanit dhe Besa Ismailit: Kryetare është mirë të të shohim në krye të detyrës, deputete harroje që në këtë Kuvend grave ka me ju tregu kur me fol e kur me qesh

Kryetarja e Kuvendit të Kosovës, Vjosa Osmani ka reaguar ndaj deputetes së PDK-së, Besa Ismaili, e cila i tha Osmanit që nuk është mirë që po qesh.

“Ishte kënaqësi që sefte ju pash në krye të detyrës kur ju bëtë reagimin për pirjen e duhanit. Ju pat hije kjo gjë. Do të doja që në krye të detyrës t’iu shihja më shpesh sepse shpesh herë po ju shohim të njëanshme, Kur ka sjellje joparlamentare nga kolegët tanë nuk do të doja t’iu shihja duke qeshur”, tha Ismaili.

E kryetarja e Kuvendit, Vjosa Osmani tha se kritikat e Ismailit i merr si komplimente, mirëpo nuk do të lejojë që grave në Kuvend tu tregohet kur me fol e kur me qesh.

“Si nëj grua në politikë që karrierën e vet e ka filluar shumë e re, është e pamundur për mua mos ti përgjigjem zonjës Ismaili. Kritikat e juaja i marr si kompliment, në akseptin personal nuk do t’iu përgjigjsha, ju përgjigjem sepse ka dhjetëra mijëra vajza të vogla që neve na shikojnë çdo ditë dhe më e pakta që presin është që gratë në këtë Kuvend mos të tentojnë të shtyjnë përpara një kulturë të tillë kur grave duhet me ju tregu kur me fol e kur me kesh. Harroje që unë një kulturë të tillë e pranoj. Gratë kanë me kesh ku të dojë kanë më fol kur të dojë, dhe unë kam me udhëheq këtë seancë dhe të tjerat me përputhje me rregulloren e Kuvendit”, tha Osmani.

Osmani e pyeti deputeten Ismaili se ku ishte kur në këtë Kuvend gratë ofendoheshin rëndë.

“Ku ishit ju zonja Ismaili kur kryetarët paraprakë të këtij Kuvendi gratë deputete i ofendonin me gjuhë çnjerëzore banale kur e ngritët ju zanin për një gjuhë të tillë që po ju pengon buzëqeshja ime”, tha Osmani. /Telegrafi/