Zëdhënësi i Qeverisë në Detyrë, Përparim Kryeziu, ka reaguar ndaj një storie të cilën televizioni publik e ka transmetuar të shtunën lidhur me zbatimin e reciprocitetit me Serbinë.
Përmes një shkrimi në Facebook, Kryeziu konsideron se kronika nuk ka koherencë pasi nuk e tregon lajmin e saktë titulli i cili pas transmetimit në TV është publikuar nga mediat online.
Lidhur me reciprocitetin, ai ka thënë se është formuar një grup punues ndërinstitucional për vlerësimin dhe monitorimin e masave të reciprocitetit.
Sipas tij, ky grup është formuar jo pse reciprociteti nuk po zbatohet, por sepse i njëjti ishte paraparë në vendimin për fillimin gradual të reciprocitetit me Serbinë.
“Qëllimi i këtij mekanizmi është që të vlerësojë dhe monitorojë zbatimin e masave të reciprocitetit, ashtu që çdo parregullsi e mundshme të identifikohet dhe adresohet me masa të reja për zbatimin e reciprocitetit aktual. Në raste kur këto parregullsi janë identifikuar, të njëjtat janë adresuar sikurse rastet e kthimit të maunave të cilat vinin nga Serbia me dokumentet të papranueshme. Në raste kur ngritën dyshime për parregullsi, ato trajtohen urgjentisht nga institucionet përgjegjëse”, ka thënë Kryeziu.
Në fund ai ka përmendur se, Qeveria në detyrë është e përkushtuar që të zbatojë reciprocitetin e plotë me Serbinë, duke bërë të ditur se “masave të deritanishme të reciprocitetit do t`i shtohen të tjera sonte”, transmeton Telegrafi.
Shkrimi i plotë pa ndërhyrje
Reagim ndaj raportimit joprofesional të radhës së RTK-së
I zhgënjyer me raportimin jo-profesional të radhës të Radiotelevizionit Publik të Kosovës (RTK). Sonte në lajmet e mbrëmjes u transmetua kronika me titull “NUK PO ZBATOHET RECIPROCITETI I VËNË SERBISË NGA QEVERIA KURTI”, përmbajtja e së cilës nuk përputhet aspak me titullin e lajmit.
Në intervistën e zhvilluar ditën e enjte (28. 05.2020), e kam njoftuar se masat e marra janë duke u zbatuar, dhe që sfidat dhe parregullsitë do të adresohen urgjentisht, derisa listës se masave pritet që t’i shtohen edhe format të tjera reciprocitetit.
Gjatë kësaj interviste, një segment i së cilës është transmetuar në kronikën e lajmeve, unë njoftoj se është formuar një grup pune ndërinstitucional për vlerësimin dhe monitorimin e masave të reciprocitetit, i cili është formuar jo pse reciprociteti nuk po zbatohet, por sepse i njëjti ishte paraparë në vendimin për fillimin gradual të reciprocitetit me Serbinë (dt. 31.03.2020). Qëllimi i këtij mekanizmi është që të vlerësojë dhe monitorojë zbatimin e masave të reciprocitetit, ashtu që çdo parregullsi e mundshme të identifikohet dhe adresohet me masa të reja për zbatimin e reciprocitetit aktual. Në raste kur këto parregullsi janë identifikuar, të njëjtat janë adresuar sikurse rastet e kthimit të maunave të cilat vinin nga Serbia me dokumentet të papranueshme. Në raste kur ngritën dyshime për parregullsi, ato trajtohen urgjentisht nga institucionet përgjegjëse.
Tutje, referimi në titull i Qeverisë së Republikës së Kosovës me “Qeveria Kurti”, thuajse këto nuk janë e njëjta, është tendencioz. Reciprociteti i vendosur ndaj Serbisë, është reciprocitet i vendosur nga Republika jonë e Kosova nëpërmjet Qeverisë së saj. RTK nuk duhet të jetë në shërbim të asnjë grupi apo pale, por t’i nënshtrohet vetëm parimeve të raportimit të drejtë dhe të paanshëm.
Sapo është parë kjo kronikë, kemi kontaktuar me gazetarin e kronikës i cili ka zhvilluar intervistën me mua. Ai është pajtuar që titulli nuk reflekton përmbajtjen e saktë të kronikës së shkruar. Mbi këtë pajtueshmëri, gazetari i është drejtuar redaksisë me kërkesë për të ndryshuar titullin e kronikës, ndryshimi i së cilës na është konfirmuar se do të bëhet.
Megjithatë tanimë kronika me këtë lajm keq informuese është huazuar edhe nga gazetat tjera online. Ky ndryshim i vonshëm, i një veprimi shumë lehtë të evitueshëm qysh nga fillimi, nuk i zhbën pasojat që ka shkaktuar ky keqinformim i përhapur në opinionin publik.
Qeveria e Republikës së Kosovës është e përkushtuar që të zbatojë reciprocitetin e plotë me Serbinë. Për këtë arsye, masave të deritanishme të reciprocitetit do t`i shtohen të tjera sonte.
Promo
Reklamo këtuLufta Prigozhin - Putin
Më shumëNga Rubrika
Pushojnë hetimet ndaj tre zyrtarëve komunalë të Prishtinës, Rama e quan fitore të drejtësisë
Gara për Parlamentin Evropian, Emma Bonino mbështet fuqishëm kandidatin shqiptar, Muharrem Salihu
E refuzuan Abdixhiku e Haradinaj, deklarohet Kurti: Mendova se është më së miri të takohemi të gjithë së bashku
Ramadani “dekonspiron” regjisorin serb: Po mundohet ta përgatisë opinionin perëndimor për planet serbe ndaj Kosovës
Edhe Haradinaj ia kthen letrën Kurtit: Kuvendi është përgjegjësi e Besnik Tahirit, për tema tjera takohemi në një moment tjetër
Shqipëria dhe Serbia kandidojnë së bashku për organizimin e EURO 2027, Berisha: Akt i pastër antishqiptar i Edi Ramës
Draft-statuti për Asociacionin a mund të dërgohet për "vlerësim" në Gjykatën Kushtetuese?
Presidentja me foto simbolike nga vizita në Teksas
Kurti i ftoi liderët e opozitës në darkë pune, i përgjigjet Abdixhiku: Jeni vonë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë