Gruaja krijon një “serial” në kopshtin e saj gjatë karantinës – historia flet për banorët e një fshati të vogël

Një grua e ka kaluar kohën në bllokim duke krijuar një serial televiziv apo “soap opera”, përmes një fshati të vogël të ndërtuar në kopshtin e saj të pasëm, i cili përmban karaktere të bazuar në banorët lokalë – si dhe një zonjë që fle me të gjithë banorët meshkuj.

Sipas mediave të huaja, përcjell Telegrafi, derisa shumë prej nesh endërrojnë të krijojnë një serial televiziv – të kompletuar me personazhe dhe me skenar të veçantë – Donna Mitchell arriti ta bëjë atë realitet.

“Smalltown” është tregimi i jetës së përditshme, të banorëve në fshatin e tyre të improvizuar nga kopshti i Mitchell.

Në mesin e atyre banorëve – disa prej të cilëve janë frymëzuar nga jeta reale – janë famullitar, njerëz të moshuar, dhe një prostitutë.

Mitchell ka bërë gjithashtu një faqe në median sociale me titull “Rrëfimet e Smalltown”- për të transmetuar çdo ditë veprimet e tyre të përditshme.

Ajo madje përfshiu edhe historinë e personazheve që shkelën rregullat e bllokimit gjatë krizës së coronavirusit – pasi një gjë e tillë kishte ndodhur në jetën e saj reale. /Telegrafi/