Tregu i Tetovës tashmë ka filluar të funksionojë normalisht. Dita e enjte si zakonisht në Tetovë ishte ditë tregu, por pas gjendjes së krijuar me Covid 19, tregu nuk punonte pikërisht gjatë ditës së enjte. Tani, tetovarët edhe gjatë ditës së djeshme i janë rikthyer tregut për të blerë sendet e nevojshme, por edhe për gjëra që nuk mund t`i gjejnë ditëve tjera në këtë treg. Megjithatë, tregtarët thonë se ka më pak qytetarë që vijnë të blejnë në këtë periudhë. Por, edhe përskaj numrit të vogël të qytetarëve, tregu i gjelbër në Tetovë ka filluar të frymojë dhe t’i kthehet normalitetit, shkruan gazeta Koha.
“Javën e parë kemi patur më pak njerëz ngase shumë qytetarë nuk e kanë ditur se do të fillojë të punojë gjatë ditës së enjte. Kemi punuar me humbje gjatë tërë kohës, kurse humbjet më të mëdha janë se gjatë ditëve të enjte nuk kemi punuar më shumë se një muaj, kurse neve pikërisht ditën e tregut punojmë më shumë. Kemi shpresa se do të përmirësohet gjendja tash e tutje, dhe do të punojmë më mirë”, thotë një tregtar.
Nga ana tjetër, nga Ndërmarrja Publike Komunale Tetova-Tetovë, e cila menaxhon me tregun Tetovës, thonë se shitësit janë të obliguar që të mbajnë maska dhe doreza, kurse apelohet deri tek qytetarët që të mbajnë distancën dhe të respektojnë udhëzimet e Ministrisë së Shëndetësisë. Ndryshe, në tregun e Tetovës ka rreth 160 shitës, ku krahas pemëve dhe perimeve shitet edhe tekstil në një skaj të tregut. Në këtë treg tezgat janë të ndara në katër kategori, ku kategoria e katërt është për ata që qëndrojnë vetëm një ditë, kryesisht gjatë ditës së enjte dhe numri që shfrytëzojnë vetëm një ditë tezgat është rreth 20. Tregtarët që kanë tezga në kategorinë e parë paguajnë 3600 denarë në muaj, kategoria e dytë ka 2560 denarë dhe e treta 1600 denarë.
Tregu i Tetovës është në kategorinë e tregjeve gjysmë të hapura, prandaj edhe tregtarët shpesh herë ankohen për shkak të kushteve, sidomos gjatë stinës së verës dhe dimrit. Shitësit ankohen për kushtet që ofron ky treg sidomos kur temperaturat janë të ulëta, dhe si rezultat i kësaj, vjen deri tek ngrirja e pemëve dhe perimeve. Në ndërkohë, drejtori i Ndërmarrjes publike komunale Tetova, Xhelal Ceka, thotë se kushtet janë ato që janë dhe nuk mund të intervenojnë për të përmirësuar këtë situatë sepse ky treg është në kategorinë e tregjeve gjysmë të mbyllura, prandaj edhe shitësit duhet që të bëjnë më pak furnizime që të mos dëmtohen.
“Është e vërtetë se ka raste kur shitësit kanë probleme me prodhimet e tyre, sidomos në temperaturat nën zero, sepse natyra e këtij tregu është e tillë, pra gjysmë i hapur, dhe shitësit duhet që të kenë kujdes që të mos furnizohen me më shumë prodhime që nuk u rezistojnë këtyre temperaturave, si në kushte tjera klimatike gjatë vitit”, thotë Ceka. Shitësit kërkojnë që të mbulohet komplet tregu i gjelbër dhe të izolohet aq sa ka mundësi që të mos prishen produktet./Koha/
Promo
Reklamo këtuLufta Prigozhin - Putin
Më shumëNga Rubrika
Osmani: Liria e shtypit thelbësore për demokracinë – beteja kundër lajmeve të rreme dhe dezinformatave nuk ka qenë kurrë më urgjente
Bastisje në Kërçovë, arrestohen dy dilerë
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Dënohet me 24 vjet burgim prizrenasi, e kishte dhunuar seksualisht një vajzë nën moshën 14-vjeçare
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Dhoma e Tregtisë dhe Industrisë kërkon ndryshime urgjente në kalendarin e festave zyrtare - të mos pushohet në ditët e javës kur festat bien në vikend
Rama: Spitali i Kryeqytetit po bëhet, shumë shpejt projekti do të tenderohet
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
Mexhiti, Ahmetit: A është e vërtetë se keni bërë thirrje për bojkot të zgjedhjeve presidenciale
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe