Producentët e filmit “Deadpool 2” gjobiten me gati 300 mijë dollarë për aktoren që iu vdiq gjatë xhirimeve

Producentët e filmit “Deadpool 2” u janë nënshtruar dënimit me 289.562 dollarë për mos sigurimin e një vendi pune të sigurt për aktoren Joi Harris, e cila vdiq në një përplasje me motor në filmin që po xhirohej në Vancouver në gusht të vitit 2017.

Gjoba u vendos për TCF Vancouver Productions LTD nga WorkSafeBC, ekuivalenti amerikan i OSHA. Harris, e cila po kryente marifetet e tij të aktrimit gjatë xhirimeve, u vra kur u nxor nga motori dhe u rrëzua nëpër dritaren e qelqit të një ndërtese aty pranë.

Xhirimet u ndaluan menjëherë pas ngjarjes.

“Qëllimi kryesor i një ndëshkimi administrativ është të motivojë punëdhënësin që të marrë ndëshkimin – dhe punëdhënësit e tjerë – të respektojnë kërkesat e shëndetit dhe sigurisë në punë dhe të mbajnë vendet e tyre të sigurta”, tha agjensia sot.

Një hetim nga WorkSafeBC identifikoi pesë shkelje të Ligjit të Kompensimit të Punëtorëve dhe Rregulloren e Shëndetit dhe Sigurisë në Punë, duke përfshirë:

• Dështimi për të siguruar shëndetin dhe sigurinë e të gjithë punëtorëve duke mos identifikuar rreziqet dhe vlerësuar dhe kontrolluar rreziqet e veprimtarisë së punës dhe duke mos siguruar një mbikëqyrje të përshtatshme.
• Dështimi për të siguruar që interpretuesja e rolit të jetë në përputhje me Rregulloren duke vënë pajisjet mbrojtëse gjatë xhirimit të skenës me motor.
• Dështimi për të siguruar shëndetin dhe sigurinë e interpretueses duke mos siguruar një mbikëqyrje të duhur në lidhje me këtë aktivitet pune.
• Dështimi për t’i ofruar aktores interpretuese një orientim të ri të punëtorëve.
• Udhëzimi i aktores që të mos vërë kaskë motorike gjatë xhirimeve me motor.

Para se të bashkohej me ekipin e filmit “Deadpool 2”, Harris ishte gruaja e parë afrikano-amerikane e licencuar të konkurronte në mënyrë aktive në garat e Shoqatës Amerikane të Motorciklistëve. Ajo ishte 32 vjeçe kur vdiq. /Telegrafi/