Zjarri përfshin rrokaqiellin 48 katësh në Emiratet e Bashkuara Arabe – pamje nga vendi i ngjarjes

Një zjarr i madh ka përshkruar një rrokaqiell ndërsa njerëzit janë parë të tmerruar bërtasin ndërsa përpiqen të shmangin mbeturinat.

Sipas medieve të huaja, përcjell Telegrafi, zjarri shpërtheu në qytetin Sharjah në Emiratet e Bashkuara Arabe dhe nuk është akoma e qartë se sa njerëz ishin brenda ndërtesës në atë kohë.

Ndërtesa e banimit Abbco në zonën Al Nahda, e cila ka 48 kate, u përfshi nga flakët – dhe shkaku i zjarrit nuk dihet deri më tani.

Ndërtesat përreth mendohet se gjithashtu rrezikojnë të përfshihen nga zjarri, duke bërë që ekipet e zjarrfikësve të urdhërojnë evakuimet në të gjithë zonën.

Ndërkohë disa pamje nga vendi i ngjarjes tregojnë flakën shkatërruese që përfshin ndërtesën, e cila ndodhet 17 milje në veri të Dubai.

https://www.youtube.com/watch?v=5NCe_UwHXZY

Një banor i tha Gulf News: “Filloi me një zjarr të vogël dhe ne dolëm nga ndërtesa sapo e pamë”.

Një tjetër tha se banorët janë detyruar të strehohen në makinat e tyre sepse nuk kanë ku të shkojnë tjetër. /Telegrafi/