Pacolli akuzon ambasadorin gjerman: Heshte ndaj shkeljeve të Kushtetutës që i bëri Kurti

Kryetarit të Aleancës Kosova e Re, Behgjet Pacolli, nuk i ka pëlqyer përgjigja e ambasadorit gjerman në Kosovë, Christian Heldt, pas thirrjes së këtij të parit që ambasadorët e huaj t’i ndihmojnë të kthehet në Kosovë.

Pacolli, i cili po kërkon të kthehet në Kosovë, për të qenë pjesë e bisedimeve për krijimin e qeverisë së re, përmes një postimi në Twitter, ka thënë se do të pres që të reagojnë disa nga ambasadorët e huaj në Kosovë.

Këtij postimi i është përgjigjur, ambasadori i Gjermanisë në Kosovë, Christian Heldt, i cili ka thënë se në lidhje me këtë nuk mund të jap ndonjë këshillë në lidhje me situatën, për shkak se vet ai është i mbyllur në Kosovë që nga 13 marsi.

Lexo po ashtu Pacolli kërkon ndihmën e ambasadorëve, i përgjigjet ambasadori gjerman

Mirëpo, kjo përgjigje nuk i ka pëlqyer Pacollit, i cili ka akuzuar ambasadorin gjerman për heshtje ndaj, sic thotë ai, shkeljes së Kushtetutës që i ka bërë kryeministri Kurti.

“Një qasje më parimore në mbrojtje të kushtetutës dhe ligjit do të mirëpritet. Heshtja juaj për shkeljen e vazhdueshme që Kurti bëri ndaj Kushtetutës nuk ishte e dobishme për vendin dhe demokracinë e saj. Ne i shohim rezultatet. Karantina nuk është me ligj dhe as me kushtetutë”, ka shkruar Pacolli në Twitter.

A more principled approach in defense of the constitution and law would be welcomed. Your silence for the continuous violation Kurti did to the constitution was not helpful to the country and its democracy. We see the results. Quarantine is not by the law nor constitution. https://t.co/tfeMlVrPOX

— Behgjet Pacolli (@pacollibehgjet) April 28, 2020

Ndryshe, sot gjatë ditës, kryetari i Aleancës Kosova e Re, Behgjet Pacolli u bë kryetemë, për shkak të kthimit të tij nga Zvicra në Kosovë.

Pacolli reagoi ashpër ndaj Qeverisë në detyrë, duke thënë se po e pamundësojnë kthimin e tij në atdhe, dhe se ai nuk ka nevojë të qëndrojë në karantinë, pasi që ka qëndruar i karantinuar për dy muaj në Zvicër.

Ndërsa këshilltari i Pacollit, Naim Murseli, bërë të ditur sot pasdite se kryetari i Aleancës Kosova e Re, Behgjet Pacolli, nga aeroporti i Luganos është nisur për në Kosovë.

Së fundmi këshilltari i Kryeministrit në detyrë, Albin Kurtit, Arbër Zaimi ka shkruar se Behgjet Pacolli po ateron në kryeqytetin e Shqipërisë.