Kush ishin dy bashkëlojtarët e Lionel Messit në La Masia që gjuanin goditjet e dënimit më mirë se argjentinasi – ku luajnë aktualisht këta dy futbollistë

Një ish-lojtar i ekipit të të rinjve të Barcelonës ka thënë se se kishte dy lojtarë në La Masia që i gjuanin goditjet e dënimit më mirë se Lionel Messi.

Messi aktualisht vlerësohet si një nga gjuajtësit më të mirë të goditjeve të dënimit në futboll.

Por, ish-lojtari i La Masia, Roger Giribet ka deklaruar se kishte dy lojtarë në La Masia që ishin specialistë më të mirë sesa argjentinasi sa i përket goditjeve të dënimit.

“Victor Vazquez, i cili ishte i mahnitshëm dhe nga e majta Juanjo Clausi. Messi pothuajse kurrë nuk gjuante”, tregoi ai.

Vazquez është gjashtë muaj më i vjetër se Messi dhe ka luajtur gjithsej tri ndeshje për skuadrën e parë të Barcelonës.

Ai arriti të shënojë një gol për kampionët e La Ligës kundër Rubin Kazanit në Ligën e Kampionëve.

Pep Guardiola e shiti Vazquez në Club Brugge në vitin 2011 dhe ai tani luan për Umm Salal në Katar, ndërsa ka bërë karrierë edhe në Meksikë te Cruz Azul dhe në MSL te Toronto FC në Kanada.

Nuk janë sukseset që Messi ka arritur, por është një karrierë e respektuar për Vazquez që ka fituar trofe në tre vende të ndryshme.

Ai vazhdon të shënojë gola të bukur nga goditjet e dënimit.

Për dallim nga Vazquez, Clausi nuk arriti të qëndrojë në nivelin më të lartë të futbollit.

Sulmuesi luajti për ekipin e të rinjve të Barcelonës deri në nivelin U-19 para se të shitej në Catarroja CF në vitin 2006.

Sulmuesi ka bërë karrierë në ligat e ulëta të Spanjës dhe i është bashkuar skuadrës së nivelit të tretë, Paterna CF.

?FICHAJE!@juanjoclausi14 Jugador habilidoso y de desborde formado en la cantera del FC Barcelona en su etapa en la Masía coincidiendo con Leo Messi.
También recordamos que Juanjo Clausí ha pasado por diferentes equipos como Benidorm, Móstoles, Castellonense, y Acero. BIENVENIDO pic.twitter.com/3baQ7Q3roy

— Paterna CF ⚽️? (@PaternaCdeF) July 30, 2019

Messi nuk ka qenë gjithmonë mbreti i goditjeve të lira dhe legjenda argjentinase Diego Maradona thuhet se e ka ndihmuar në këtë drejtim.

Maradona e punoi me Messin, kur ishte si trajner i Kombëtares së Argjentinës mes vitet 2008 dhe 2010.

Ndihmësi i Maradonas, Fernando Signorini, ka treguar një episod mes dyshes së njohur, duke treguar se si trajneri mësonte nxënësin e tij.

/Telegrafi/