Kanye West zyrtarisht miliarder

Kanye West është bashkuar zyrtarisht në klubin e miliarderëve.

Një artikull i revistës “Forbes” i publikuar të premten, zbulon se si reperi së fundmi i dha dokumente revistës, duke u dhënë atyre një vështrim numerik autentik të pasurisë së tij, shkruan DailyMail.

Sidoqoftë, artikulli vëren se West ishte i pakënaqur me hulumtimet dhe gjetjet e tyre – duke deklaruar se ai beson se vlera e tij neto të jetë rreth 3.3 miliardë dollarë, dhe jo 1,26 miliardë dollarë, siç ata kanë vlerësuar.

“Nuk është një miliard”, pretendoi West të enjten mbrëma. “Tre. Është 3.3 miliardë dollarë pasi askush në Forbes nuk di të llogarisë”, tha ai.

West ndjek kunatën Kylie Jenner, 22 vjeçe, e cila u emërua nga “Forbes” si miliarderja më e re ‘e vetëshpallur’ për të dytin vit radhazi.

Reperi u tha se ishte i pakënaqur kur emri i tij u la jashtë listës së miliarderëve në fillim të këtij muaji.

Sipas raportit, ekipi i West ka dhënë deklarata që tregojnë se reperi ka 17 milionë dollarë para, 35 milion dollarë në aksione, 81 milion dollarë në ‘ndërtesa dhe ndërtime anekse’ dhe 21 milionë dollarë pasuri të paluajtshme.

Adidas Yeezy, bashkëpunimi i modës midis reperit dhe markës gjermane të veshjeve sportive, ka një vlerë të ardhurash prej rreth 1.3 miliardë dollarësh.

Artikulli sugjeron që West ka qenë i etur për të provuar statusin e tij financiar për ca kohë, duke vënë në dukje se ai më parë kishte pretenduar të ishte miliarder gjatë një paraqitjeje në Festivalin e Inovacionit të Fast Company 2019.

“Kur kontaktova Forbes, u tregova një faturë prej 890 milionë dollarësh dhe ata ende nuk më quajtën ‘miliarder’”, u tha babai i katër fëmijëve audiencës.

Zack O’Malley Greenburg i Revistës ”Forbes” zbulon në artikull se si West pranoi se ai ‘nuk ishte djalë me numra’, por e shpjegoi se si reperi e quajti artikullin e publikuar nga “Forbes” në gusht si ‘artikull mosrespektues’.

Dhe kështu, pasi u pajisën me dokumentet e duhura nga West, revista tani ka vlerësuar pasuritë e tij në pak më shumë se një miliard, duke pretenduar se ai ka një vlerë rreth 1,26 miliard dollarë. /Telegrafi/