LAJMI I FUNDIT:

“Morgje për 30 mijë hapësira shtesë”: Arkivolet e zbrazëta vendosën në parkingun e një xhamie në Britani të Madhe

“Morgje për 30 mijë hapësira shtesë”: Arkivolet e zbrazëta vendosën në parkingun e një xhamie në Britani të Madhe

Dhjetëra arkivole të ruajtura brenda një morgu të përkohshëm të xhamive kanë dhënë një pasqyrë të rrallë në shkallën e krizës së coronavirusit, e cila tani ka marrë jetën e 16.060 njerëzve në të gjithë Mbretërinë e Bashkuar.

Sipas medieve britanike, përcjell Telegrafi, Qeveria tani ka njoftuar se do të zgjerojë morgjet me një shtesë prej 30,000 hapësirash, gjë e cila sipas autoriteteve është një masë paraprake sesa një parashikim.

Si pjesë e skemës së re, autoritetet e qeverisjes vendore do të përdorin ndërtesat ekzistuese dhe mund të përshtatin disa ndërtesa që do të vendosen pranë qendrave shëndetësore.


Ndërkohë janë publikuar disa pamje që thuhet se tregojnë arkivolet e vendosura mbi njëra-tjetrën brenda morgut të ndërtuar në parkun e makinave të Xhamisë Qendrore në Heath Small, Birmingham.

Skenat e tilla thuhet se vijnë vetëm tre javë pasi xhamia në West Midlands ngriti tendën, e cila përmban pesë frigoriferë, në përpjekje për t’u marrë me numrin në rritje të vdekjeve midis besimit islam.

Fotografitë shqetësuese nga brenda morgut, të cilat mund të mbajnë deri në 150 trupa në të njëjtën kohë, besohet të jenë një nga të parat brenda një morgu të paracaktuar në Britani.

Në imazhe të tjera, personeli i trajnuar posaçërisht i veshur me pajisje mbrojtëse personale u pa duke hequr mbulesat plastike transparente nëpër arkivole dhe duke inspektuar ato.

Duke folur për BBC, ministri i qeverisë lokale Simon Clarke tha se shifra e re prej 30,000 arkivoleve nuk ishte për të alarmuar njerëzit.

“Ne të gjithë shpresojmë se këto nuk do të jenë të nevojshme … që kërkon që të gjithë të luajnë rolin e tyre në përpjekjen kombëtare”. /Telegrafi/

Në trend Botë

Më shumë
CIA kërcënon të ekspozojë sekretet e shtetit pas politikave të Trumpit

CIA kërcënon të ekspozojë sekretet e shtetit pas politikave të Trumpit

Botë

"Qëndro i fortë, qëndro i patrembur, ti nuk je kurrë vetëm" - liderët evropianë në përkrahje të Zelenskyt pas takimit me Trumpin

Botë
Zbulohen detaje se si erdhi deri te anulimi i bisedimeve të Trump me Zelenskyn dhe largimi i tij nga Shtëpia e Bardhë

Zbulohen detaje se si erdhi deri te anulimi i bisedimeve të Trump me Zelenskyn dhe largimi i tij nga Shtëpia e Bardhë

Botë
Ambasadorja ukrainase tronditet teksa dëgjon debatet e ashpra në takimin Trump-Zelensky

Ambasadorja ukrainase tronditet teksa dëgjon debatet e ashpra në takimin Trump-Zelensky

Botë

"Ke folur mjaftueshëm, ju nuk do të fitoni", momente tensioni nga takimi Trump-Zelensky

Amerika
Pas largimit nga Shtëpia e Bardhë reagon Zelensky: Faleminderit Amerikë!

Pas largimit nga Shtëpia e Bardhë reagon Zelensky: Faleminderit Amerikë!

Botë
Kalo në kategori