Bujar Osmani do të qëndrojë në vetizolim për 14 ditë

Zv. kryeministri për Çështje Evropiane, Bujar Osmani gjatë konferencës së sotme online foli për ndihmën që vendi pret nga Kina. Sipas tij kjo ndihmë më se e nevojshme për vendin, gjatë ditës së djeshme është nisur nga Shangai dhe ka arritur në Stamboll, nga ku së shpejti pritet të mbërrij në vendin tonë.

“Mendoj se një nga punët që do të analizohen detajisht pas kësaj krize, është se si ka funksionuar solidarizimi mes vendeve, sepse të gjitha vendet u gjetën të papërgatitura, andaj u vendos na testim sistemi shëndetësor. Është interesante se në fillim të marsit edhe BE u gjet në gjendje shoku, për shkak të Spanjës dhe Italisë. Na shqetësoi masa që vendosi BE për ndalim të eksportit të maskave dorezave etj. për vendet jashtë BE, sepse këtu ndikoheshim edhe ne. Qasje në fonde evropiane kanë vetëm vende evropiane, fati ynë ishte që morëm datë për hapje të bisedimeve, andaj u përfshimë në këtë. Sot presim donacion nga Kina, mbrëmë u nisën nga Shangani pako me më shumë se 1 mijë teste, maska dhe materiale mbrojtëse, sot kanë mbërritur na Stamboll”, deklaroi Bujar Osmani.

Osmani shtoi se do të qëndrojnë në vetizolim 14-ditorë.

“Gjatë pranisë në mbledhjen në Kumanovë, unë i kisha marrë të gjitha masat mbrojtëse, kështu që fillimisht deklarova që do të qëndroja në izolim deri të martën, domethënë 7 ditë. Por pas analizave dhe rekomandimeve të DMSH-së për shkak se në momentin kurë kamë dhënë deklaratë nuk më është vendosur maska, izolimi im vazhdon për 14 ditë”, tha Osmani./Telegrafi/