Dalja a pakontrolluar e qytetarëve, mosrespketimi i masave të vendosura nga autoritetet shëndetësore në Kosovë, ka rezultuar me rritje të numrit të infektuarve me sëmundjen COVID-19, vlerësojnë zyrtarë shëndetësorë në Kosovë.
Me 79 raste të reja, Kosova ka regjistruar të dielën rekord të rasteve me koronavirusin e ri që prej se rastet e para u shfaqën në vend.
Më këto shifra, numri total i të infektuarve në Kosovë shkon në 362.
Lidhur më rritjen e numrit të rasteve, zyrtarë të Ministrisë se Shëndetësisë, thanë se “secila pandemi e ka fillimin e saj, zhvillimin dhe rënien. Kosova është në fazën e zhvillimit të saj dhe është e pritshme që në këtë fazë të ketë numër më të madh të rasteve pozitive”.
Pavarësisht kësaj, ata kërkojnë përgjegjësi të shtuar nga qytetarët, siç thuhet në një përgjigje për Radion Evropa e Lirë, “është për keqardhje se dikush ende nuk e ka kuptuar seriozitetin e sëmundjes COVID-19 dhe rrezikun që vendos për jetën e vetë dhe të tjerëve”.
Rritja e numrit të rasteve të të infektuarve një ditë më parë, sipas infektologut Valbon Krasniqit, është për shkak të ecurisë apo natyrës se pandemisë, por edhe nga mosrespektimi i masave nga qytetarët e vendit.
Krasniqi thotë se tashmë Kosova është në fazën kur pret numër më të madh të rasteve.
“Edhe ne si Kosovë kemi hyrë në javën e pestë të epidemisë, sot saktësisht një muaj meqë më 13 mars janë konfirmuar rastet e para. Tashmë ne jemi në periudhën kur presim numër më të madh të rasteve dhe normalisht se kësaj i kontribuojnë edhe sjelljet e qytetarëve, pra mosrespektimi sa duhet i masave dhe i rekomandimeve që janë dhënë gjatë tërë kohës, nga ana e institucioneve shëndetësore, por edhe nga ana jonë si mjekë”, tha Krasniqi.
Humolli: Nëse nuk ka distancim fizik do të ketë rritje të rasteve
Çdo rritje e numrit të rasteve te infektuara më koronavirusin e ri, është pasojë e mosvetizolimit dhe mosrespektimit të masave të vendosura nga Qeveria e Kosovës për distancim fizik, thotë Isme Humolli, zyrtare për emergjenca në Organizatën Botërore të Shëndetësisë në Kosovë.
Ajo tha se nëse vazhdohet me sjellje të tilla të qytetarëve, ditëve në vijim numri do jetë më i lartë.
“Krejt varet nga sjelljet tona, nëse ne rrimë në shtëpi, izolohemi deri sa të qetësohet situata numri i rasteve mbetet në nivel të ulët dhe përfundon më shpejtë. Kemi pritur që me respektim të karantinës apo vetizolimit, numri i rasteve të bie nga fundi i muajit prill. Por, si po vazhdohet me sjelljet e qytetarëve, është pak problem të parashikohet fundi”, tha Humolli.
3,256 teste të bëra
Infektologu Valbon Krasniqi, duke bërë thirrje për kujdes dhe vigjilencë, tregon se aktualisht në Klinikën Infektive janë të shtrirë 53 pacientë të konfirmuar me sëmundjen COVID-19, 43 nga ta janë në gjendje të mirë shëndetësore, 6 janë në oksigjeno-terapi, kurse 3 në gjendje më kritike, të cilët po trajtohen repartin intensiv në Klinikën Infektive.
Nga hulumtimet e kontakteve të rasteve të personave të infektuar, Krasniqi tha se Instituti Kombëtar i Shëndetësisë Publike është duke vëzhguar apo mbikëqyrur mbi 4 mijë persona.
Nga 13 marsi kur edhe janë paraqitur rastet e para me të infektuar me koronavirus në Kosovë, janë testuar gjithsej 3,256 mostra, nga të cilët 362 kanë rezultuar pozitivë, 8 persona kanë vdekur, të cilët kanë pasur sëmundje tjera shoqëruese, kurse 59 pacientë janë shëruar.
Me qëllim të luftimit të virusit, autoritetet kanë shpallur gjendje emergjente për shëndetin publik. /rel/Telegrafi/
Promo
Reklamo këtuLufta Prigozhin - Putin
Më shumëZhduket një 28-vjeçare në Ferizaj, familja kërkon ndihmën e policisë dhe qytetarëve për gjetjen e saj
DASH hedh poshtë pretendimet për Escobarin: Nuk është shkarkuar, do të emërohet në një pozitë tjetër sipas rrotacionit
Kurti publikon statistikat: Serbia po propagandon për dhunën ndaj serbëve në Kosovë
Ymeri: Mos pranimi i Kosovës në KiE është dështim i Qeverisë Kurti
Iu bë atentat në Bruksel më 28 prill, ndërron jetë Agustin Kaza - dyshohet se u vra për gjakmarrje
DW: Sinjale alarmi nga Ballkani - po përsëritet historia?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'