Këngëtarja shqiptare me famë ndërkombëtare, Rita Ora, po qëndron e izoluar këto ditë në shtëpinë e saj në Londër bashkë me familjen.
Ajo ka qenë gjithmonë në qendër të mediave britanike për aktivitetet e saj muzikore por edhe jetën private, teksa vëmendjen e shtypit së fundmi e ka rrëmbyer edhe nëna e saj, Vera Sahatçiu-Ora.
Vera e cila është psikiatre me profesion, këto ditë është rikthyer në vijën e parë të frontit në NHS (Shërbimi i Shëndetit Kombëtar).
Ajo për momentin po shërben si mjeke e përgjitshme në Repartin e Emergjencës në NHS, duke marrë parasysh që reparte të tilla po përballen me një numër të madh rastesh me të infektuarit me coronavirus.
Emisioni “The One Show” që transmetohet në kanalin e famshëm BBC, këtë javë pati protagoniste përmes një lidhje direkte nga shtëpia, Rita Orën, dhe nënën e saj, Verën.
Që të dyja nënë e bijë folën për gjendjen e vështirë këto ditë, teksa në cilësinë e mjekes, nëna e yllit me famë botërore tregoi se sa emergjente është gjendja në NHS.
“Tani po bëhet gjithnjë e më e vështirë për shkak të pandemisë, por unë thjesht përpiqem të përqendrohem dhe padyshim që kam një ekip dhe kolegë dhe pacientë që kujdesem”, tha Vera për BBC.
“Kështu që kjo është tërheqja ime për momentin, e cila është një gjë pozitive që duhet të them, është mirë të jesh i zënë dhe të mos mendosh për atë që po ndodh rreth”, përfundoi ajo.
Ndërkohë së fundmi, po prapë nënë e bijë në lidhje direkte nga dy vende të ndryshme (njëra në shtëpi e tjetra në punë), u inkuadruan në emisionin tjetër të famshëm “This Morning” në Angli.
Nëna e këngëtares publikoi në rrjetin social Instagram një fotografi nga biseda e zhvilluar në emision, ku ndër të tjerash citoi fjalët e Ritës që tha për “This Morning”.
“Thjesht do të tregojmë që ne si njerëzim mund të mblidhemi dhe të jemi të unifikuar…është vërtet një moment i mahnitshëm për ne që të dalim në anën tjetër, wow ne vërtet po bashkohemi”, ka thënë artistja me origjinë nga Kosova.
Ditë më parë, ajo dhe nëna e saj ishin gjithashtu në ballinën e Revistës “Hello”, ku Vera ka treguar për rëndësinë e shëndetit mendor në këto ditë të vështira, ndërsa Rita ka çmuar lart punën që po bëjnë të gjithë punëtorët e NHS.
Edhe të përditshmet DailyMail dhe The Sun kanë raportuar gjithashtu mbi punën e mamasë së këngëtares 29-vjeçare.
Përndryshe, Rita dhe motra e saj e madhe, Elena, gjenden në mesin e 750 mijë aplikantëve për të dalë vullnetarë për të punuar në gjendjen e vështirë të shkaktuar nga COVID-19.
Ato do të jenë në mesin e njerëzve që shpërndajnë pajisje mjekësore, mbledhin receta, i kontrollojnë të moshuarit dhe i telefonojnë njerëzit e vetmuar dhe të lëndueshëm të komunitetit.
Familja e këngëtares me origjinë shqiptarë këto ditë ka qenë thuajse në fokusin e shumë mediumeve britanike. /Telegrafi/
Lufta Prigozhin - Putin
Më shumëGjesti human i përfaqësuesit të Kroacisë në Eurovision - 50 mijë eurot e qeverisë i dhuron për dy spitale
Pajtohen Kaderi dhe Lumbardhi - publikohet një moment i tyre së bashku
Meritoni këmbëngul ta zbulojë të vërtetën, Heidi: Kam probleme ligjore me Massimilianon
"Mendoj që ua kemi borxh", Afrona dhe Blero me dy episode për ndarjen e tyre - zbulohet se kur do të publikohen
Roza Lati me fjalë të mëdha për Ledion Liçon pas daljes nga Big Brother: Një shoumen i vërtetë
Ylli i Juventusit në lidhje me motrën e lojtarit të Interit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë