Kryefamiljari i njërës nga familjet e lagjes “Dardani”, në Pejë, Gramosi, nga data 24 mars, po qëndron i mbyllur në izolim bashkë me familjen e tij, teksa thotë se për këto dy javë, Komuna e Pejës nuk i ka ofruar ndihmat e nevojshme me produkte ushqimore e higjienike.
Bashkëshortja e Gramosit ka dalë pozitiv në testin për COVID-19, teksa thotë se ajo po qëndron në izolim nga anëtarët e tjerë të familjes.
Ai tha se po arrijnë të përballen me këtë situatë, me ndihmën e miqve dhe familjarëve, për shkak se ato pak ndihma që janë dhënë të shtunën nga Komuna e Pejës, nuk mjaftojnë për 10 anëtarët e familjes, e aq më pak për vajzën e tij të vogël, 3-mujshe.
Gramosi në “Zyrën e Ankesave të RTV Dukagjinit, tha se nëse do të varej nga Komuna, ai dhe fëmijët ndoshta edhe nuk do të mund të mbijetonin.
“Prej datës 26, unë jam mbyll me familje, në vetizolim nga rasti në Llugagji. Më shumë se dy javë. Prej datës tre, komplet familja 10 anëtarëshe jemi të izolum, ndërsa kemi qenë më herët pesë, vetëm unë me bashkëshorten dhe 3 fëmijët. Jemi shumë keq, prej datës 3 të këtij muaji askush nuk mundemi me dal me ble diçka, as nuk mundem me i jep pare për me më ble diçka mu. Komuna ka ardhë me 04.04.2020 edhe ma kanë pru një thes miell, 25 kilogram, një thes krip të trash për turshi, dy teglla ajvar, dy teglla marmeldë, 2 litra qumësht, 2 kilogram oriz, 5 kg sheqer dhe shampon të flokëve. Këto m’i kanë sjell komuna. Ne e dimë që i ka nda Vetëvendosja për krejt qytetarët e Kosovës, për ata që janë në izolim, ata që janë me polici. Unë I kam fëmijët e vegjël, djalin e kam 10 vjeç, të dytin 5, ndërsa çikën 3-muajsh”, tha Gramosi.
Ai tha se për dy javë, produktet e përmendura më lart që i ka pranuar nga Komuna e Istogut, teksa përmendi që ka biseduar edhe me drejtorin e Shëndetësisë dhe Mirëqenies Sociale në Komunën e Istogut, Petrit Loci, i cili sipas tij i ka thënë se në fund të javës do të sjellë më shumë ushqime.
“Tash e dy javë askush asnjë produkt tjetër nuk na kanë dhanë. Kam bisedu me Petrit Locin, më ka thanë që nuk janë mbledh donacionet, por nga fundi i javës do të sjellim. Unë po ia dal me ndihmën e disa shokëve dhe nipave. Jam i 10-ti anëtar me një rrogë të veteranit, se babën e kam veteran. Me dy litra qumësht, nashta edhe fëmija më kishin vdekë. Pampersa mi kanë pru prej 15 kg deri në 25 kg, e çika jem është 3 muajsh”, tha Gramosi.
Ai rrëfeu edhe për gjendjen e bashkëshortes së tij e cila ka rezultuar positive me COVID-19.
“Unë shoqen e kam me COVID, nuk mund të gatuaj. Jam i zhgënjyer shumë, vet e ka qit e i kam lexu, që u nda fondacioni. Në krejt Pejën 4 familje janë të izolume. 24 orë i kam policinë te dera. Kam nevojë për sene,për fëmijë, për veti ia dal diqysh, por fëmija nuk ja dalin. Mirë është edhe shoqja, por kur e kemi ba testin, shoqja më ka dal me COVID-19, ndërsa mu edhe tre fëmijëve na ka dal negativ. Ne nuk kemi ba më test, vetëm temperaturën e masim dhe ua japim”, tha Gramosi.
Megjithatë, atyre nuk iu kanë munguar këshillat mjekësore.
“Këshilla kam pas të mjaftueshme, prej momentit të parë. Me doktoreshën Shqipe, unë veshna komplet kur ta dërgoj çikën për me pi, për shkak se ajo është në izolim. Krejt po i përdorim komplet familja edhe vitaminë C. Këshillat nuk na kanë mungu, këshillat mjekësore nuk na kanë mungu asnjëherë”, tha ai.
Gramosi tha se nuk kërkon ndihmë dhe se qëndrojnë mirë falë familjarëve, por qëllimi i tij ishte të tregonte se si është neglizhuar nga komuna.
“Unë vetëm e pata me tregu që sa për Komunën unë nuk kisha mbijetu nashta. Por, nuk jam keq, se nipat edhe shokët nuk më kanë lanë keq”, tha ai. /Telegrafi/
Promo
Reklamo këtuLufta Prigozhin - Putin
Më shumë25 vjet burgim për Enver Sekiraqën
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
“Sentinel Lymphnod Biopsy”, pajisje tjetër për SHSKUK nga fondacioni Jahjaga
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe