Kim Kardashian nuk i ndal paraqitjet provokuese, teksa promovon linjën e saj të re të bikineve

Kim Kardashian West po punon shumë për t’u bërë një avokate, së fundmi ajo ndau me fansat një paraqitje të shkurtër të punës që ka bërë rreth dokumentarit të saj të ri.

Por, ylli i serialit “Keeping Up with the Kardashians” po qëndron gjithashtu e zënë me linjën e saj të bikinive, pasi ajo punon nga shtëpia gjatë izolimit.

Ajo shfaqi linjat e saj atraktive të trupit teksa promovoi linjën e re nga marka e saj “Skims”, duke promovuar koleksionin e quajtur “Smooth Essentials”, shkruan DailyMail.

39-vjeçarja dukej provokuese dhe në top formë, teksa pzoonte me bikinit e zeza nga linja e saj e re.

Ndërkohë, llogaria e “Skims” në Instagram publikoi një fotografi tjetër të saj në të dielën, ku bukuroshja shfaqej e shtrirë nën diell mbi një shkëmb.

Këto imazhe provokuese u publikuan kur Kim dha premierë ‘trailer’-in e dokumentarit të saj me titull “Kim Kardashian West: The Justice Project”, të dielën.

Në këtë dokumental ajo tregon avokimin e saj për reformën në burg me fushatën e quajtur #Cut50, një iniciativë për të ulur burgosjen masive.

Ajo në ‘trailer’-in e dokumentarit thotë: “Ka shumë njerëz që marrin vendime të këqija pas një traumatizmi gjatë gjithë jetës. Njerëzit meritojnë një shans të dytë”.

Kohët e fundit ajo i tha The Hollywood Reporter për ndikimin e degës së juridikut nga babai i saj, Robert Kardashian, i cili është avokat me profesion.

“Ndoshta ndër në vite në shpirtin tim kjo ishte ajo që unë do të kisha dashur të bëja”, ka thënë Kim. /Telegrafi/