NYT: Në Shkup ndërtohet shtëpi për prodhimin e kanabisit, Maqedonia e Veriut në pritje të dritës së gjelbër
Në një zonë të izoluar në Shkup, po ndërtohet një shtëpi e cila do të prodhojë kanabis, e cila pasi të përfundojë do të përfshijë 178.000 metra katrorë, përafërsisht me madhësi sikur supermarketi Walmart.
Me kapacitet të plotë për një vit, do të korren 17 tonë marihuanë, që kapin vlerën e 50 milionë dollarëve. Planifikohet që të ketë oferta nga një kompani amerikane “Herijuana”, e cila është portë e heroinës dhe marihuanës.
Siç shkruan “New York Times”, përcjell Telegrafi Maqedoni, kompania pas këtij “operacioni” Pharmacon, ka gjithçka gati për një biznes të lulëzuar, duke përfshirë kontratat me blerës nga Gjermania, Polonia dhe Mbretëria e Bashkuar. Ndërtimi i shtëpisë në Shkup ditëve të fundit është ngadalësuar për shkak të coronavirusit. Pritet që ndërtesa së shpejti të kompletohet, por më pas Pharmacon do të ballafaqohet me pengesën më të madhe – Qeverinë.
Zlatko Keskovski, i cili punon për kompaninë Pharmacon, thotë se Qeveria i ka thënë se kjo do të jetë mundësi e madhe për një industri të re.
“Ata ju kanë thënë të gjithëve se kjo është një mundësi e madhe për një industri të re”, thotë Zlatko Keskovski, një ish-instruktor karate i kthyer në sipërmarrës kanabisi, i cili punon për Pharmacon. “Ata thanë që do të ketë një ligj të mirë të miratuar brenda disa muajve. Kjo ishte pothuajse dy vjet më parë”, thotë ai.
Eksporti mjekësor i marihuanës ka qenë legal në Maqedoni që nga 2016. Por, ligji lejon vetëm vaj, ekstrakte dhe tinktura, të cilat sipas kërkesës, janë vetëm 30 përqind e tregut. Ndërsa 70 përqind janë bimët për tymosje, e njohur si “lule” e industrisë, shitja dhe eksporti e së cilës mbetet e ndaluar.
U mendua se ligji do të ndryshohet në vitin 2018, kur drejtuesit e qeverisë njoftuan se ligji për eksport do të ndryshojë. Kishte më shumë shpresa për investuesit e huaj, kur në gushtin e vitit të kaluar ish-kryeministri i vendit Zoran Zaev, u pa në takim me një ekzekutiv amerikan të kanabisit Michael Straumietis.
“Ju them se ky vend ka potencial të madh dhe jam i lumtur të jem pjesë e shndërrimit të Maqedonisë në një superfuqi të kanabisit në Evropë”, tha Michael Straumietis.
Por amendamenti i premtuar në Kuvend u bllokua, pas akuzave për korrupsion. Partia opozitare maqedonase thoshte se kryeministri ka drejtuar licencat e kanabisit për të afërmit dhe aleatët e tij.
Ndërsa zyrtarët qeveritarë thonë se vetëm një i afërmi i kryeministrit ka marrë licencë, dhe se ata shpresojnë të kalojnë amendamentin kur Kuvendi të rikthehet, gjë që është planifikuar të ndodhë në prill.
Kjo situatë pritet të zgjatet për shkak se Maqedonia e Veriut ka shpallur gjendje të jashtëzakonshme 30-ditore për shkak të coronavirusit.
“New York Times” shkruan se nëse Maqedonia e Veriut merr diçka nga ky biznes, do të ishte shumë e konsiderueshme për një vend të vogël, me 2.1 milionë njerëz, ku të ardhurat mesatare mujore janë nën 500 euro./Telegrafi/
Lufta Prigozhin - Putin
Më shumëNumërohen mbi 90 për qind e votave, këto janë rezultatet dhe numri i deputetëve të partive në Kuvend
Këto pritet të jenë ulëset e partive në Kuvend për katër vitet e ardhshme
"Lidhjet me Serbinë" dhe informata nga Qeveria e Kosovës, çka deshi të thotë Escobar pas pretendimeve se është i implikuar?
Ahmeti: OBRM-PDUKM-ja e ka ndihmuar VLEN-in, ne kemi siguruar 19 mandate
Kasami: Prej nesër mund ta shpallim koalicionin me OBRM-PDUKM-në, VLEN është fitues absolut te shqiptarët
Garë e ngushtë për deputet në Zonën Zgjedhore 6 mes Frontit Evropian dhe VLEN-it
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Mbyllet gjysmëfinalja e parë e Eurovisionit - këto janë 10 vendet që u kualifikuan në finalen e madhe
Katër vite pritje, Dortmundi tani me një veprim hakmarrës turpëron PSG-në në rrjetet sociale
Bonusi i jashtëzakonshëm që Bellingham do ta fitojë nëse Real Madridi fiton Ligën e Kampionëve
Ish-legjenda e njohur e Real Madridit i bashkohet Ronaldos tek Al-Nassr
Shumë debate për këtë moment: A ishte penallti për PSG-në kur Hummels e rrëzoi Dembelen?
Çka është rregulla 30:30:30:10 kur bëhet fjalë për financat dhe si duhet ta shfrytëzoni?