Coronavirusi “ndihmon” për të vendosur një rekord të ri – realizohet fluturimi komercial më i gjatë i planifikuar ndonjëherë në botë!

Mund të ketë shumë lajme në lidhje me fluturimet për momentin, por një kompani e vogël ajrore e Paqësorit ka thyer një mori rekordesh botërore.

Sipas medieve të huaja, përcjell Telegrafi, një aeroplan i Air Tahiti Nui 787 sapo ka përfunduar fluturimin më të gjatë komercial në botë ndonjëherë, fluturimin më të gjatë vendas ndonjëherë dhe më të gjatë duke përdorur një Dreamliner.

Siç bëhet e ditur, udhëtimi nga Pape’ete në Tahiti (Papeete, në Tahiti, është kryeqyteti i Polinezisë Franceze, një grup ishujsh në Paqësorin e Jugut)
për në Paris në Francë, mbuloi 15.715 kilometra dhe zgjati 15 orë e 45 minuta.

Rekordi për një shërbim të rregullt komercial, siç thuhet më tej, është rruga e Singapor Airline ndërmjet Singaporit dhe Newark, që është 15,343 kilometra.

Zakonisht, udhëtimi përfshin një ndalesë në Los Angeles, por për shkak të rregullave të reja të cornonavirusit në SHBA, vendimi u mor për të bërë udhëtimin pa ndalesë.

Raportohet se fluturimi TN64 u ngrit nga Pape’ete në 3 të mëngjesit, me orën lokale më 15 mars, dhe zbarkoi në Francë në orën 5.54 të mëngjesit më 16 mars (gjithashtu me kohën lokale). /Telegrafi/