Snapchat i ka anuluar disa organizime, përfshirë edhe samitet me bashkëpunëtorë

Drejtori i përgjithshëm i Snapchat, Evan Spiegel ka kërkuar që të anulohen të gjitha organizimet e planifikuara, përfshirë edhe disa samite me bashkëpunëtorë, zhvillues, donatorë dhe inxhinierë, nga frika e përhapjes së coronavirusit.

Në dy prill, Snapchah kishte planifikuar kishte planifikuar të fillonte një samit me krijues, punonjës të marketingut dhe kreatorë, por këtë e ka shtyrë në një afat të pacaktuar, transmeton Telegrafi.

“Nuk na duket normale, se mund të mblidhemi me bashkëpunëtorë, në një kohë kur të gjithë po vuajnë nga bllokimet shkaku i coronavirusit”, ka thënë Spiegel.

Sipas tij, janë shumë organizime të gatshme, për të cilat punonjësit e Snapchat kanë punuar me përkushtim shumë të madh, ndërsa në çdo moment do të jenë gati që t’i sjellin risitë para publikut.

Ka mundësi, që nëse përhapja e coronavirusit të vazhdojë, disa prej organizimeve mund të zhvillohen në mënyrë virtuale, ndërsa të tjerat do të marrin kohë.

Megjithëse të selia qendrore e Snapchat vazhdon të jetë e hapur, punonjësve iu është kërkuar që të kenë kujdes të shtuar dhe të mos rrinë së bashku në grupe. /Telegrafi/