“Lulet janë të bukura, por ne duam barazi gjinore në vendimmarrje, në të drejta pronësore, në negociata për paqe, dhe në mundësi për punësim”.
Kjo është motoja e fushatës për barazi gjinore e filluar nga EULEX-i, në partneritet me Rrjetin e Grave të Kosovës (RRGK) dhe OJQ Të Drejtat e Grave në Mitrovicën e Veriut, për ta shënuar Ditën Ndërkombëtare të Gruas.
Kjo fushatë përfshin vendosjen e afisheve nëpër tërë Kosovën dhe transmetimin e një videoje me qëllim të rritjes së vetëdijesimit për barazinë gjinore.
Duke folur për këtë fushatë, zëvendës-shefi i EULEX-it, Cezary Luba, tha se mundësitë e barabarta nënkuptojnë të ardhme të barabartë.
“Viti 2020 ka dëshmuar përparimin e Kosovës në përfshirjen e më shumë grave në proceset e vendimmarrjes, përmes zgjedhjes së një gruaje si krye-parlamentare të Kosovës dhe përmes emërimit të pesë grave n ë krye të ministrive. Kjo rritje e përfaqësimit politik të grave është inkurajuese dhe ne do të dëshironim të shihnim që kjo praktikë të pasqyrohet në të gjitha nivelet e shoqërisë”.
Zëvendës-shefi i EULEX-it, po ashtu e theksoi rëndësinë e qasjes së barabartë të grave në pronë, meqë kjo përfundimisht shpie në fuqizimin ekonomik.
“Kjo ndihmon në thyerjen e varësisë që të mbijetuarat e dhunës në familje mund ta kenë prej atyre që ushtrojnë dhunë kundër tyre”, tha Luba.
Tijana Simic LaValley, Drejtoreshë e programit në OJQ-në Të Drejtat e Grave tha se hulumtimet tregojnë se përfshirja e grave në negociata për paqe i rritë mundësitë e rezultateve të suksesshme me 64%.
“Ato kanë qasje humaniste çka i thekson nevojat e personave të prekur nga konfliktet. Në zemrat e grave ka paqe, jo luftë. Andaj, është e domosdoshme që gratë të përfshihen në negociata për paqe”, tha ajo.
Kjo fushatë është pjesë e angazhimit të EULEX-it për çështjet gjinore.
Që nga qershori i vitit 2018, kur ka përfunduar mandati ekzekutiv i EULEX-it në gjyqësor, Misioni bën monitorimin e rasteve të dhunës në baza gjinore përgjatë tërë zinxhirit të drejtësisë penale, nga hetimet deri tek ndjekjet penale, monitorimi i seancave nëpër gjykata dhe ekzekutimi i dënimeve, si dhe u jep rekomandime autoriteteve të Kosovës për përmirësimin e trajtimit të atyre rasteve.
Përveç kësaj, EULEX-i, në partneritet me Institutin e Mjekësisë Ligjore, është duke e udhëhequr fushatën “Ma thuaj me kohë”, e cila ka të bëjë me rëndësinë e ruajtjes së provave biologjike në rastet e dhunës seksuale për ta vërtetuar ndodhjen e veprës dhe për t’i sjellë kryerësit para drejtësisë. Deri më tani, rreth 800 nxënës të 17 shkollave fillore dhe të mesme i kanë vijuar ligjëratat e mbajtura nga ekspertë të Institutit të Mjekësisë Ligjore dhe nga Polic ia e Kosovës. /KP/Telegrafi/
Promo
Reklamo këtuLufta Prigozhin - Putin
Më shumëZhduket një 28-vjeçare në Ferizaj, familja kërkon ndihmën e policisë dhe qytetarëve për gjetjen e saj
Ymeri: Mos pranimi i Kosovës në KiE është dështim i Qeverisë Kurti
Hoxha: Duke e bllokuar Kosovën në KiE, Gjermania dhe Franca anojnë kah Serbia qartazi
DASH hedh poshtë pretendimet për Escobarin: Nuk është shkarkuar, do të emërohet në një pozitë tjetër sipas rrotacionit
Iu bë atentat në Bruksel më 28 prill, ndërron jetë Agustin Kaza - dyshohet se u vra për gjakmarrje
Kurti, ambasadorëve të QUINT-it: Serbia, vitin e kaluar ka refuzuar nënshkrimin e Marrëveshjes Themelore
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'