Si coronavirus ka dëmtuar industrinë e teknologjisë

Frika është shfaqur në të gjithë botën nga përhapja e coronavirusit COVID-19.

Ndërsa publiku është i zënë me përgatitjet për më të keqen, industria e teknologjisë tashmë po e jeton atë. Konferenca të shumta të teknologjisë janë anuluar ose shtyrë. Dhe falë mbylljeve të prodhimit në Kinë, shumë kompani do të marrin humbje të mëdha financiare, transmeton Telegrafi.

Sipas TrendForce, një kompani kineze për kërkime të tregut, numrat e prodhimit për tremujorin e parë të vitit 2020 pritet të goditen fort në televizion (-4.5 për qind), tastierë për video lojëra (-10.1 për qind), smartphone (-10.4 për qind), sektorët e altoparlantëve (-12.1 për qind), Notebook (-12.3 për qind), dhe smartwatch (-16 për qind). Sa më shumë objektet e prodhimit të mbeten të mbyllura ose të funksionojnë me një kapacitet të zvogëluar, aq më shumë kompani të teknologjisë do të vazhdojnë të humbasin.

U raportua në fund të janarit se vonesat e prodhimit do të çonin në  mungesë të paneleve LCD  për TV dhe PC. Duke kontribuar në humbjet e industrisë së lojërave, Nvidia pritet të marrë një goditje prej 100 milionë dollarësh falë coronavirusit. Shpërthimi ka pasur një ndikim negativ në kërkesën për kartat grafike dhe ndërpreu zinxhirin e furnizimit.

Por nuk janë të gjitha lajmet e këqija. Samsung do të shmangë efektet më të këqija të COVID-19 tani që kompania ka zhvendosur prodhimin nga Kina. Dhe Foxconn, partneri prodhues i Apple në iPhone, pritet të rifillojë prodhimin e plotë në fund të marsit. /Telegrafi/