Llazarova-Trajkovska: Jo vetëm gjyqësori por edhe institucione tjera duhet ti nënshtrohen vetingut
Gjyqësori duhet të pastrohet dhe për këtë nevojiten reforma në më shumë institucione. Ish-gjykatësja në Gjykatën Evropiane për të drejtat e njeriut në Strasburg, Mirjana Llazarova Trajkovska, vlerëson se reformat për pastrim të gjyqësorit duhet të bëhen në përputhje me kritereve evropianë ku aspiron të anëtarësohet vendi. Ajo thotë se jo vetëm gjyqësori por edhe institucionet tjera kanë nevojë për pastrim nga kuadrot partiak.
“Qëllimi i pastrimit të gjyqësorit duhet të jetë forcimi jo vetëm i gjyqësorit dhe besimit në gjyqësor por edhe i institucioneve që kanë kompetenca të punojnë në pastrim të gjyqësorit nga gjykatës të korruptuar ose të lidhur me elita kriminele. Duam ose jo, ne patjetër të bashkëpunojmë me ekspertë nga jashtë. Ne vazhdimisht kemi interaktivitet dhe këmbim të mendimeve nga ekspertë të huaj dhe posaçërisht në momentin kur vendi do të fillojë negociata me BE-në. Duhet të pastrohen institucionet nga jo profesionistë. Gjatë kohë institucionet, jo vetëm në sektorin gjyqësor por edhe në udhëheqjen shtetërore, në administratë, në polici, u mbushën me kuadro partiak, me njerëz që nuk i kanë njohuritë dhe përvojën e duhur”, deklaroi Mirjana Llazarova Trajkovska, ish-gjykatëse e në Gjykatën Evropiane për të drejtat e njeriut.
Ndërsa Simonida Kacarska nga Instituti për Politikë Evropiane thekson se vettingu eventual duhet të bëhet me shumë kujdes, pasi që mund të rrisë ndikimin e ekzekutivit në gjyqësor.
“Njëri nga rreziqet kyçe në procesin në vetting siç tregon praktika e deritanishme, është mundësia për ndikimin më të madh të partive politike dhe të ekzekutivit ndaj gjyqësorit. Kjo mund të na kthejë edhe shumë pas, e në vend që të kemi pavarësi, do të ketë ndikim më të madh të ekzekutivit ndaj gjyqësorit, respektivisht që të kemi problem më të madh në baraspeshën e pushteteve. Pra të mos të kemi baraspeshë”, tha Simonida Kacarska, EPI.
Kacarska vlerëson se gjatë vettingut ose pastrimit të gjyqësorit me rëndësi është edhe angazhimi për zbatimin më të fuqishëm të mekanizmave për përgjegjësi në gjyqësor. Në debatin e organizuar nga Instituti për Politikë Evropiane, ekspertë të vendit dhe të rajonit theksuan nevojën e kujdesit më të madh gjatë zbatimit eventual të vettingut duke i marrë parasysh edhe përvojat me vendet fqinje dhe të rajonit./Alsat/
Lufta Prigozhin - Putin
Më shumëKush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Të shtëna me armë në Lupç të Podujevës, katër të plagosur
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Ndalohen për 48 orë pesë të dyshuar për rastin e plagosjes në Lupç
Vdes në vendin e punës punëtorja e një furre të bukës në Mitrovicën e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit