Dafina Zeqiri merr vëmendje sërish me një fotografi krah DJ Geek

Këngëtarja e njohur e skenës shqiptare, Dafina Zeqiri, tash e disa kohë ka nxitur spekulimet për një lidhje të mundshme me DJ e njohur – DJ Geek.

Kjo në bazë të publikimeve që bëjnë në rrjetet sociale, ngacmimet me komente të ndryshme e po ashtu edhe dedikimet ndaj njëri-tjetrit.

Së fundmi, është vet artistja Zeqiri ajo e cila ka ndarë me ndjekësit një fotografi shumë afër DJ Geek, që njëherësh flet më shumë rreth raportit të tyre.

“Të dua”, ishte përshkrimi që ia ka vënë fotos, në të cilën pranoi komente të shumta edhe nga miqtë e kolegët.

Ermal Fejzullahu, Ylli Limani, Teuta Selimi, Rona Nishliu, Geta Beqa, janë ndër emrat që e përgëzuan për fillimin e romancës së tyre.

Lexo po ashtu Dafina Zeqiri dhe DJ Geek sjellin fotografinë më të veçantë për Shën Valentin

Megjithëse akoma nuk është bërë një pohim e as mohim i saktë nga ana e dy artistëve të njohur.

https://www.instagram.com/p/B81s7PCBvP-/

Geek përndryshe prej vitesh është edhe DJ personal i Dafinës, të cilët janë të pranishëm thuajse në çdo eveniment e koncert së bashku.

Ata kanë edhe një këngë së bashku të titulluar “Alo”, e cila konsiderohet si ndër më të suksesshmet në reportoarin e këngëtares. /Telegrafi/