Letrat kredenciale të Maqedonisë së Veriut dhe disa delegacioneve tjera kontestohen në APKE

Kredencialet e nëntë delegacioneve në Asamblenë Parlamentare të Këshillit të Evropës (APKE) janë kontestuar për shkaqe të ndryshme në hapjen e sesionit plenar dimëror.

Siç njofton AIM, për gjashtë delegacione (Maqedonia e Veriut, Polonia, Portugalia, San Marino, Suedia dhe Zvicra) kontestimet i përkasin rregullit të Kuvendit për barazi gjinore, që parashikon se delegacionet parlamentare nacionale duhet të kenë përqindje të njëjtë të anëtarëve të gjinisë jomjaftueshëm të përfaqësuar, të paktën të barabartë me atë që është i pranishëm në parlamentet e tyre dhe minimum një anëtar i gjinsë jo mjaftueshëm i përfaqësuar i emëruar si përfaqësues, përcjell Telegrafi Maqedoni.

Përbërja aktuale në Kuvendin e Maqedonisë së Veriut me 46 femra parlamentare, respektivisht me 38.3 përqind nga përbërja e përgjithshme, ndodhet në vendin e 21-të në nivel botëror.

Por, në delegacionin e APKE-së nga gjashtë anëtarë vetëm dy janë femra, që paraqet 30 përqind të delegacionit. Megjithatë, kjo nuk mjafton që delegacioni të akreditohet.

Për dy shtetet tjera (Moldavia dhe Spanja), kontestimi i përket rregullit për barazi gjinore, që parashikon se delegacionet duhet të formohen në atë mënyrë që do të sigurohet përfaqësimi i drejtë i partive politike ose grupeve që ekzistojnë në parlamentet e tyre.

Kredencialet e delegacioneve nacionale të Federatës Ruse kontestohen për shkaqe thelbësore dhe formale. Kontestimi thelbësor i përket propozimit të paradokohshëm për ndryshim të barazpeshës kushtetuese mes të drejtës vendore dhe ndërkombëtare, si dhe situatës në Gjeorgji.

Për të gjitha delegacionet tjera, mes të cilave edhe ajo e Maqedonisë së Veriut, Komisioni për rregulla do ta dorëzojë mendimin e tij deri te Kryetari, për çka nuk do të debatohet në formë plenare, nëse komisioni konkludon se se këto autorizime duhet të aprovohen./Telegrafi/