DJ Regard sjell remiksin e “Don’t Start Now” të Dua Lipës

Një tjetër shqiptar që po korrë suksese të mëdha në mbarë botën pa dyshim se është edhe artisti nga Ferizaj, Dardan Aliu i njohur si DJ Regard.

Veç projekteve të suksesshme që realizoi deri më tani, i njëjti tanimë ka bërë remiksin e një kënge mjaft të dëgjuar të yllit shqiptar, Dua Lipa.

Përmes rrjeteve sociale, DJ Regard njoftoi se ka sjellë remiksin e “Don’t Start Now” që u lansua më 1 nëntor dhe ka kaluar shifrën e 100 milionë klikimeve në platformën digjitale, YouTube.

View this post on Instagram

Dua Lipa – Don't Start Now (Regard Remix) OUT NOW🔥🌪 Avaliable on all DSN! @dualipa – – – – @leafmanagement @warnerrecords @tapmusic

A post shared by Regard (@djregardofficial) on Jan 27, 2020 at 7:19am PST

Remiksi, i cili është publikuar në kanalin zyrtar të artistes Lipa, u mirëprit nga publiku dhe vetëm për një kohë të shkurtër kaloi shifrën e 200 mijë klikimeve.

Edhe ky projekt është prodhim i ‘LEAF Management’ që tashmë qëndron prapa çdo suksesi të artistit Aliu.

Lexo po ashtu DJ Regard, pjesë e festivalit më të madh në botë “Tomorrowland”

Gjithashtu, ditë më parë u bë e ditur se DJ Regard sivjet do jetë pjesë e një prej festivaleve më të mëdha në botë – “Tomorrowland” që mbahet në Boom të Belgjikës.

Dardan Aliu bëri që emri i tij të dëgjohet në botë me vetëm një projekt, ndërsa edhe këtë vit ka paralajmëruar gjëra të mëdha për fansat, duke mos munguar as në koncerte e mbrëmje të ndryshme muzikore. /Telegrafi/