Bashkëpunëtori i presidentit të ndjerë Ibrahim Rugova, Skender Hyseni, ka thënë se në mesin e shumë personaliteteve të shquara shqiptare asnjë nuk ishte si Ibrahim Rugova.
Ai e ka përshkruar figurën e Ibrahim Rugovës si një mishërim të një dijetari të rrallë dhe të një intelektuali të guximshëm.
“Padyshim siç e thotë edhe At Zef Pllumi Ibrahim Rugova e ka shënuar shekullin shqiptar. Gjatë shekullit të fundit shqiptarët kanë pasë personalitete të shumta të mëdha, por asnjë si Ibrahim Rugova”.
“Asnjë me veçanti të theksuara siç i kishte Ibrhaim Rugova. Ai ishte mishërim i një dijetari të rrallë dhe të fortë, një politikani modern dhe vizionar dhe shumë prognozues i saktë. Ishte mishërim i një njeriu që ishte absolutisht konsisent dhe i palëkundshëm në projeksionet e tij për Kosovën shtet të pavarur dhe sovran. Këtë konsistencë dhe këmbëngulësi ai e mbronte me një butësi e cila e shquante veç Ibrahim Rugovën, askënd tjetër”, tha Hyseni, në Zona B të Klan Kosovës.
“Nuk kishte madje as kundërshtar në qëndrime që do t’i mbante mëri Ibrahim Rugovës pse insistonte në diçka ndryshe”.
Hyseni e ka kujtuar takimin e parë të presidentit Ibrahim Rugova me Sekretarin Amerikan të Shtetit Warren Christopher në vitin 1995.
“Më duhet ta kujtoj takimin e parë zyrtar të presidentit të zgjedhur të Kosovës Ibrhaim Rugova me Sekretarin Amerikan të Shtetit, Warren Christopher – nëntor-dhjetor 1995”.
“Ishte koha kur në State Departamentin Amerikan mbizotëronte ideja e një autonomie të zgjeruar për Kosovën ose siç quhej një autonomie përmbajtësore. Takimi ishte i shkëlqyeshëm, sepse kushdo që e takonte Rugovën përpos që synonte të këmbente pikëpamjet politike ishte edhe një kurreshtje që shkonte përtej kësaj – Rugova si pacifist, Gandi i Ballkanit dhe gjithë ato epitete që bota ia kishte dhënë”.
“Takimi rrodhi në atmosferë skajshëm miqësore, por në insistimin e sekretarit Christopher që Kosova mund të fitonte një autonomi të zgjeruar, presidenti Rugova i tha: ‘Kjo nuk është zgjidhje për çështjen e Kosovës. Është një Kosovë e pavarur dhe neutrale, por ja që ne pajtohemi me një periudhë tranzitore disavjeçare – një protektorat ndërkombëtar. Pastaj, populli i Kosovës duhet të pyetet në referendum se çfarë do'”.
“Në këtë konstatim të presidentit Rugova, sekretari Christopher e mori sërish fjalën dhe përmendi një varg arsyesh të kontekstit politik të atëhershëm pse ishte punë e vështirë që Kosova të bëhej e pavarur”.
“Sërish Rugova u kthye te e njëjta me gjithë mirëkuptimin dhe respektin dhe tha: ‘Asnjë zgjidhje nuk funksionon në Kosovë përpos pavarësisë së plotë. Nëse nuk mund të përkrahni për këtë zgjidhje mund të bëhemi shteti i 51-të SHBA-ve’, i tha me gjysmë shaka dhe këtu plasi një e qeshur. Por, në këtë takim e ritheksoi disa herë me një konsistencë që e shquante – me fjalë të buta dhe mirëkuptuese – se duhet të ecim në drejtim të pavarësisë së vendit”, tha Hyseni.
Lufta Prigozhin - Putin
Më shumë“Me Kurtin Shqipëria shpreson, me ty Shqipëria vdes” – Rama pritet me parulla kundër tij në Itali
KFOR-i negocioi largimin e terroristëve nga Banjska, Islami: Qëllimi ishte dëbimi, e jo vrasja e tyre
Serbia i kërkon NATO-s të mos ia avancojë statusin Kosovës
Një grua në Gjilan grabitet dhe dhunohet nga dy të panjohur, ajo ishte duke ecur rrugës me djalin e saj
Arrestohet dhe suspendohet nga puna një polic në Gjakovë, dyshohet për kanosje
Rrebeshe shiu e breshëri sot në Kosovë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Shpërthejnë komentet negative, menjëherë pas eliminimit të Meriton Mjekiqit nga gara
Fjalët e para të Toni Kroos pasi luajti ndeshjen e tij të fundit në “Santiago Bernabeu”
Finalja e BBVA 3, Heidi Baci elimohet - Julian Deda vazhdon përpara me Eglën dhe Romeon
Si e menaxhoi Qeveria e Kosovës sulmin kibernetik që erdhi nga Rusia?
Protagonist absolut, statistikat e Granit Xhakës flasin për dominimin e tij - shpallet lojtar i ndeshjes në finale
NYT: Grenelli i kishte propozuar Trumpit ta vizitonte Thaçin në Hagë, por ai refuzoi