LAJMI I FUNDIT:

Airbus A350 përfundon fluturimin plotësisht të automatizuar – megjithatë, njërin nga pilotët “e tradhtoi instinkti”

Airbus A350 përfundon fluturimin plotësisht të automatizuar – megjithatë, njërin nga pilotët “e tradhtoi instinkti”

Një Airbus A350 ka përfunduar me sukses një ngritje plotësisht autonome, me pilotët të ulur në kabinë – të gatshëm për të reaguar në rast të paraqitjes së ndonjë problemi.

Sipas mediave të huaja, përcjell Telegrafi, Airbus po testonte një teknologji të re autonome fluturimi, e cila lejon një aeroplan të zbulojë mjedisin e tij përreth duke përdorur sensorë, kamera, radar, si dhe kompjuterë të fuqishëm në bord.


Ai pastaj mund të përdorë informacionin për të “lundruar” nëpër “territorin e tij”.

Kështu, kompania ka ndarë një vështrim brenda kabinës, ndërsa dy pilotët u ulën duke mbikëqyrur aeroplanin, i cili kryente ngritjen e automatizuar, ndërsa largohej nga pista.

Në një moment, njëri prej pilotëve shihet automatikisht duke arritur pajisjen, i gatshëm për të reaguar, por kolegu i tij këshillon që të qëndrojë, pasi aeroplani përfundon me sukses provën.

Sipas Airbus, më shumë “taksi me bazë vizionin dhe sekuencat e uljes pritet të ndodhin diku në vitin 2020”.

Ideja nuk është të zëvendësojmë pilotët në të ardhmen; në vend të kësaj, është për të adresuar çështjet e vazhdueshme të industrisë, siç janë mungesat e pilotëve, veçanërisht me rritjen e kërkesës për fluturime komerciale.

Shoqata Ndërkombëtare e Transportit Ajror (IATA) parashikon që trafiku ajror do të dyfishohet deri në vitin 2037.

Gjithsesi, ngritja dhe ulja e automatizuar nuk është diçka plotësisht e re në industri.

Sébastien Giuliano, Drejtuesi i Projektit ATTOL, shpjegoi: “Shumë aeroplanë tashmë janë në gjendje të ulen automatikisht. Por ata janë të varur në infrastrukturë të jashtme si Sistemi i Ndërlidhjes së Instrumenteve (ILS) ose sinjalet GPS”.

Ndërsa Arne Stoschek e Projektit Wayfinder, tha: “Sfida kryesore për aftësitë e vetë-pilotimit është se si sistemi reagon ndaj ngjarjeve të paparashikuara. Kjo është kërcimi i madh nga automatizimi”. /Telegrafi/

Në trend Botë

Më shumë
Përvojë e pazakontë, 28-vjeçari nga Çikago iu nënshtrua transplantit të veshkës – gjatë tërë ndërhyrjes kirurgjikale qëndroi i zgjuar

Përvojë e pazakontë, 28-vjeçari nga Çikago iu nënshtrua transplantit të veshkës – gjatë tërë ndërhyrjes kirurgjikale qëndroi i zgjuar

Botë
Ishte cilësuar si armë sekrete, droni nënujor i ushtrisë amerikane shfaqet ‘befasisht’ në imazhet e Google Earth

Ishte cilësuar si armë sekrete, droni nënujor i ushtrisë amerikane shfaqet ‘befasisht’ në imazhet e Google Earth

Amerika
Pse e djathta ekstreme po fiton popullaritet mes të rinjve?

Pse e djathta ekstreme po fiton popullaritet mes të rinjve?

Evropa
Shefi i inteligjencës ushtarake ukrainase, tregon nëse Rusia do të përdorte armët bërthamore në rast të humbjes së kontrollit mbi Krimenë

Shefi i inteligjencës ushtarake ukrainase, tregon nëse Rusia do të përdorte armët bërthamore në rast të humbjes së kontrollit mbi Krimenë

Evropa
Priftit ia prenë fytin, vranë gjashtë policë – detaje dhe pamje të sulmeve në një sinagogë dhe një kishë në Dagestan të Rusisë

Priftit ia prenë fytin, vranë gjashtë policë – detaje dhe pamje të sulmeve në një sinagogë dhe një kishë në Dagestan të Rusisë

Botë
Kamerat e sigurisë filmojnë momentin e sulmit raketor në plazhin e Krimesë

Kamerat e sigurisë filmojnë momentin e sulmit raketor në plazhin e Krimesë

Evropa
Kalo në kategori