Haskuka ndan mirënjohje për Halil Kastratin, shoqata “Jetimat e Ballkanit”, u kujdes për të prekurit nga tërmeti që u vendosen në Prizren

Kryetari i Komunës së Prizrenit, Mytaher Haskuka i ka ndarë mirënjohje drejtorit të shoqatës “Jetimat e Ballkanit”, Halil Kastrati, në nder të punës së tij humanitare në këtë komunë.

Ai këto komente i ka bërë në ceremoninë e cila po mbahet në sallën “Sezai Surroi”, në Prizren, ku shoqata Jetimat e Ballkanit në vigjilje të 10 vjetorit të themelimit të saj po dhuron 128 shtëpi për nevojtarët.

Lexo po ashtu Ngjarje e madhe në Prizren: “Jetimat e Ballkanit”, në 10 vjetorin e punës së tyre dhurojnë 128 shtëpi

“Vetëm në komunën tonë janë 50 shtëpi që i kemi ndërtuar së bashku me “Jetimat e Ballkanit” në dy vitet e fundit, pa e llogaritur edhe shtëpitë që i kanë bërë këta si shoqatë më herët. Këtë mirënjohje po e japim për ndihmën që e ka dhënë në ndihmë të strehuarve në Prizren, që ishin të prekur nga tëmeti në Shqipëri”, ka shtuar Haskuka.

Ndryshe, në ngjarjen e madhe që po zhvillohet në Prizren, ku po dhurohen 128 shtëpi për nder të 10 vjetorit të shoqatës “Jetimat e Ballkanit”, po marrin pjesë shumë figura politike dhe nga jeta shoqërore shqiptare. 

Më poshtë mund ta ndiqni videon e dokumentarit të realizuar për 10 vjetorin e shoqatës “Jetimat e Ballkanit”. /Telegrafi/