Emocione, mesazhe dhe spektakël, 19 mijë tifozë – derbi i takon Tiranës

Derbi mes Partizanit dhe Tiranës, që u zhvillua në “Air Albania”, iu takohu bardhëekaltërve që fituan në fund me rezultat 2-1.

Nën një atmosferë të jashtëzakonshme të krijuar nga më shumë se 19 mijë tifozë të pranishëm në stadiumin “Air Albania”, të denjë për ndeshje të mëdha evropiane, derbi i kryeqytetit pati si fituese Tiranën, që u rikthye pas rreth 6 vitesh, të triumfojë përballë Partizanit.

Takimi nisi më mirë për Tiranën, që pa menjëherë drejt portës kundërshtare dhe që në minutën e tretë kërcënoi rrezikshëm, por Bitri ndali me faull Hoxhallarin, duke u ndëshkuar edhe me karton të verdhë.

Megjithatë goli i bardhebluve do të vinte shpejt, pasi në minutën e shtatë ishte një ish i Partizanit, Idriz Batha, që pas një krosimi të marrë nga krahu, nuk gaboi me kokë, duke dërguar topin në rrjetën e portës së mbrojtur nga Alban Hoxha (1-0).

Reagimi i Partizanit ishte i menjëhershëm dhe vetëm tre minuta më vonë ishte Jurgen Bardhi që shënoi golin e barazimit (1-1).

Deri në fundin e pjesës së parë nuk pati më gola dhe u mbyll baras, ku tifozërit shfaqën edhe mesazhe duke i kuajtur të humburit nga tërmeti, duke e falënderuar Kosovën për ndihmëm dhe duke treguar se “Jemi një”.

Edhe në pjesën e dytë kishte shumë raste, por goli erdhi krejt në fund.

Cobbinah shërbeu për Muccin, që gjuajti menjëherë nga distanca, por gjuajtja e tij u grushtua nga Hoxha, ndërsa topi i mbetur mbi vijën fatale u shty në rrjetë pikërisht nga sulmuesi ganez (2-1).

Vërshëllima finale bëri që të shpërthejë festa bardheblu në stadiumin “Air Albania”, me Tiranën që i dha fund makthit të derbit, pasi fitorja përballë Partizanit mungonte që prej vitit 2014. /SS/

Goli i Tiranës on Vidnews.