Zëvendëskryeministri i Parë, njëherësh Ministër i Punëve të Jashtme i Republikës së Kosovës, Behgjet Pacolli, ka zhvilluar të hënën një takim përshëndetës të fundvitit me ambasadorët dhe shefat e misioneve diplomatike të akredituar në Republikën e Kosovës.
Të pranishëm në këtë takim ishin edhe Presidenti i Republikës së Kosovës, Hashim Thaçi, si dhe kryeministri, Ramush Haradinaj. Para trupit diplomatik, ministri Pacolli, ka ndërtuar komunikimin e tij rreth 3 fjalëve kyçe: Puna, modestia, mirënjohja, thuhet në njoftimin për media.
“Ndonëse vij nga një karrierë ndërkombëtare biznesi në nivelet më të lartë, e kam zhvilluar këtë mision plot modesti, përunjësi dhe respekt për të tjerët. I kam ofruar pa hezitim Kosovës, profilin tim ndërkombëtar, miqësitë e mia, ndjenjën time të shërbimit kombëtar”, ka potencuar Pacolli.
Ai ka shtuar se zëri i tij, mu për shkak te sukseseve globale, ka mundur ndonjëherë të jetë sfidues, apo arrogant, por kjo kurrë nuk ka ndodhur!! “Nuk mund të isha ndryshe”, ka shtuar ministri Pacolli.
“Në përputhje me edukatën time, me formimin tim njerëzor, gjithmonë kam përdorur urtësinë në politikë”, shtoi ministri. Ai ka thënë se kontributi i kësaj energjie te madhe pozitive është në akte miqësie dhe më shumë miq anembanë botës për Kosovën.
“Jam përpjekur që zëri im diplomatik të mos stonojë në polifoninë tonë të zërave institucionalë të Kosovës që i kanë folur ndonjëherë rrëmujshëm miqve të huaj dhe botës”, ka potencuar ministri Pacolli, duke shtuar se ka qenë detyrë e vështirë, në mes personalitetesh të forta, por këto akte do të mbeten në gjurmë dokumentare.
Zëvendëskryeministri ka kërkuar edhe më tutje mbështetjen e miqve të shumtë që ka Republika e Kosovës në jetësimin e këtyre synimeve. Sipas tij, Kosova ka fatin për miqtë që ka dhe për mbështetjen që ata i japin synimeve diplomatike të Republikës së Kosovës.
Para trupit diplomatik, ai është zotuar se Republika e Kosovës do t’i përfundoj të gjitha obligimet ndërkombëtare, në mënyrë që të jetë anëtare e plotë e sistemit ndërkombëtar. Zëvendëskryeministri ka falënderuar ambasadorët dhe shefat e misioneve diplomatike për mbështetjen që i kanë dhënë Kosovës në këtë vit dhe ka shprehur besimin e vazhdimin të kësaj përkrahje. /Telegrafi/
Promo
Reklamo këtuLufta Prigozhin - Putin
Më shumëParlamenti britanik miratoi mocionin e Alicia Kearns për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Kastrati vendos "delen" mbi foltore, i drejtohet Qeverisë: Populli nuk është dele, krejt jeni hajna
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
Gjendet i vdekur një person në Doblibarë të Gjakovës
Mashtrime me vlerë 10 milionë euro, SPAK operacion kundër Call Center
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit